Barranin
ISMA’: Bdot jitlob li jniżżel l-ajruplan għax mara nesiet lit-tarbija fl-ajruport

Każ stramb fl-Arabja Sawdija, meta bdot talab permess biex iniżżel mill-ġdid ajruplan li kien għadu kemm telaq, għaliex waħda mill-passiġġiera kienet nesiet lit-tarbija tagħha fl-ajruport.

F’filmat meħud fit-torri ta’ kontroll tal-ajruport internazzjonali King Abdul Aziz, il-bdot tat-tijira li kienet sejra lejn Kuala Lampur talab permess lill-kontrolluri tal-ajru biex idur lura.

Il-bdot qal li passiġġiera abbord l-ajruplan kienet qed tgħid li nesiet lit-tarbija tagħha fit-terminal tal-ajruport qabel telgħet fl-ajruplan, u li ma riditx tkompli bil-vjaġġ.

Għalkemm f’każ ta’ emerġenza l-ajruplani normalment jitħallew iduru lura, il-kontrolluri tal-ajru għal ftit mumenti kienu konfużi x’jgħid il-protokoll dwar din is-sitwazzjoni.

Il-ħaddiema fit-torri tal-kontroll jinstemgħu jikkonsultaw bejniethom u jerġgħu jitolbu kjarifika mingħand il-bdot, qabel ma tawh permess biex jerġa’ jinżel.

Aħbarijiet Oħra
Barranin

Fir-Renju Unit bdiet it-tellieqa għall-mexxej tal-Partit Konservattiv li jmiss, wara li lbieraħ, Theresa May ħabbret li se tirriżenja x-xahar id-dieħel. Din l-elezzjoni mhux se tirriżulta biss f’mexxej ġdid tal-partit, imma…

Barranin

Mill-inqas 8 persuni ndarbu wara li pakkett suspettat b’bomba sploda fiċ-ċentru tal-belt Franċiża ta’ Lyon. Lyon hi t-tielet l-ikbar belt fi Franza. Il-Pulizija ssiġillaw ix-xena tal-inċident u bħalissa fuq il-post…

Unjoni Ewropea

Wara li lbieraħ bdew jivvutaw l-Ingliżi u l-Olandiżi, illum kien imiss lill-Irlandiżi u ċ-Ċeki biex joħorġu jivvutaw biex jaħtru d-deputati Ewroparlamentari. Fir-Repubblika Ċeka l-votazzjoni maqsuma fuq jumejn bil-għan li t-turnout…

Barranin

Is-sajf fl-Italja mistenni jkun ikkaratterizzat minn temp estrem, b’perjodu ta’ nixfa u xita qalila. L-esperti tat-temp fl-Italja ltaqgħu dan l-aħħar f’Ruma u qed ibassru li l-istaġun sajfi se jkun kemmxejn…

Aktar