It-78 immigrant li ma riedux jidħlu f’Malta se jittieħdu l-Italja

Wara diversi attentati mill-awtoritajiet Maltin biex jikkonvinċu l-immigranti jidħlu f’Malta u anke wara diskussjonijiet twal bejn Malta, l-Italja u l-kaptan tal-vapur li jinsabu abbord fuqu, kien deċiż li s-78 immigrant li baqgħu jirrifjutaw bis-saħħa li jitniżżlu f’Malta se jkunu qed jittieħdu l-Italja.

Fi stqarrija l-Forzi Armati Maltin qalu li ħadu l-miżuri neċessarji biex jassiguraw is-saħħa tal-immigranti kollha waqt li s-suldati Maltin ipprovdewlhom pakketti bl-ikel waqt li kienu fuq id-dgħajsa. Il-FAM sostnew li jinsab kommessi li jipprovdu l-assistenza fiż-żona ta’ tiftix ta’ Malta waqt li qed tieħu rwol attiv fl-Operazzjoni tal-Frontex Triton.

Ilbieraħ filgħodu ħames immigranti li qalu li huma mis-Sudan iddaħħlu f’Xatt it-Tiben.