Unjoni Ewropea
Daqshekk se tibqa’ ssuq gass mal-pjanċa

It-teknoloġija li tillimita l-veloċità tidher li se tkun obbligatorja għall-vetturi kollha li jinbiegħu fl-Ewropa mill-2022. Dan wara li ntlaħaq ftehim proviżorju dwar regoli ġodda mill-Unjoni Ewropea.

Dan il-ftehim intlaqa’ tajjeb hekk kif mistenni jsalva eluf ta’ ħajjiet. L-għan tal-Unjoni Ewropea fil-fatt hu li ma jkunx hemm aktar imwiet fit-toroq sal-2050.

Il-Kummissarju Ewropew Elzbieta Bienkowska qalet li kull sena, 25,000 persuna jmutu f’inċidenti tat-traffiku madwar l-Ewropa, li l-maġġoranza tagħhom ikunu kkawżati minn żball uman.

Miżuri ta’ sigurtà li ġew approvati mill-Kummissjoni Ewropea jinkludu l-ISA  (intelligent speed assistance), waqfien ta’ emerġenza (emergency braking) u teknoloġija li żżomm il-karozza fil-karreġġjata (lane-keeping technology).

Qed ikun ippjanat li tintuża wkoll sistema ta’ kameras u GPS biex il-karozza tagħraf il-limitu ta’ veloċità f’toroq partikolari. F’dan ir-rigward, iżda, tqajjem tħassib dwar jekk it-teknoloġija attwali hix avvanzata biżżejjed biex is-sistema tkun tista’ taħdem bla problemi.

Din id-deċiżjoni għadha trid tiġi approvata mill-Parlament Ewropew u mill-Kunsill Ewropew.

Aħbarijiet Oħra
Sport

Fit-tielet logħba tagħhom fil-Kampjonat tal-Amateurs, it-tim ta’ Syria Gżira FC kiseb l-ewwel rebħa bl-iskor ta’ 3-1 kontra Fleur De Lys FC. Il-player Lucky Chizobor skurja żewġ gowls filwaqt li Julius…

Saħħa

Ilbieraħ filgħaxija għadd ta’ nies nġabru quddiem iċ-Ċentru Esplora fil-Kalkara għal mixja simbolika bħala parti mix-xahar iddedikat għall-għarfien dwar il-kanċer tas-sider, magħruf bħala Pink October. Din is-sena n-nisa u l-irġiel…

Brexit

Wara dibattitu f’sessjoni straordinarja fil-House of Commons, il-membri parlamentari ivvutaw favur mozzjoni li tobbliga lill-Prim Ministru biex jitlob estensjoni mill-Unjoni Ewropea għal Brexit. Dan sakemm il-ftehim għall-ħruġ mill-Unjoni Ewropea jiġi…

Lokali

L-invażjoni Torka fit-Tramuntana tas-Sirja ġiet ikkundannata mill-komunità Kurda f’Malta li bl-appoġġ tal-Moviment Graffitti organizzaw manifestazzjoni paċifika quddiem l-Ambaxxata Torka fil-Floriana. Huma kkundannaw dak li sejħu bħala assalt brutali u mingħajr…

Aktar