It-tema tal-kampanja tal-PN għall-elezzjonijiet se tkun Flimkien għal Pajjiżna – Adrian Delia

Il-Kap tal-Oppożizzjoni u tal-Partit Nazzjonalista, Adrian Delia, qal li l-kampanja elettorali tal-Partit Nazzjonalista għall-elezzjonijiet tal-Parlament Ewropew u l-Kunsilli Lokali ser ikollha bħala tema “Flimkien għal Pajjiżna”.

F’kollegament bit-telefon fuq NET FM, Dr Delia qal li fil-bidu tal-kampanja, il-Partit se jħares lejn il-problemi fil-pajjiż u dak li qed iweġġa’ lin-nies. Semma’ fost oħrajn dik li sejjaħ l-umiljazzjoni li l-Gvern qed iħalli fiha lill-ħaddiema fil-qasam tal-kura tas-saħħa mentali u l-pazjenti fl-isptar Monte Carmeli fosthom minħabba problemi fl-istruttura tal-binja.

Dr Delia qal li l-kampanja mbagħad tidħol f’fażi oħra li fiha l-Partit Nazzjonalista joffri tama u juri li għandu l-enerġija u r-rieda li jagħmel l-affarijiet aħjar u jtejjeb il-ħajja tan-nies. Żied jgħid li se jkun hemm ħaġa waħda nieqsa mill-kampanja tal-Partit Nazzjonalista: il-mibgħeda.

Referenza wkoll mill-Kap Nazzjonalista għall-Ġimgħa Mqaddsa meta qal li jikkalkula li hemm l-involviment attiv ta’ madwar 20,000 persuna fl-attivitajiet varji li jiġu organizzati fil-lokalitajiet. Wera apprezzament għas-sehem ta’ dawn in-nies li qal iżommu ħajja l-identità Maltija, li tgħaqqad il-komunità.

Aħbarijiet Oħra
Kultura

Il-Covid-19 ħarbtet ukoll il-pjani tal-artisti li jaqilgħu l-ħobża ta’ kuljum mit-talenti tagħhom b’wirjiet u kunċerti kanċellati. Il-baritonu Joseph Lia u martu, ir-Russa Natalia Rakjmatulina, ħassru diversi kunċerti fosthom fir-Russja bħala…

Infrastruttura

Bdiet tieħu l-forma triq ġdida, li skont il-pjani ta’ Infrastructure Malta, sa erba’ xhur oħra se tkun tista’ tibda tintuża mill-eluf ta’ vetturi li mill-Imrieħel jitilgħu ‘l fuq, lejn ir-Rabat…

Safar

Wara li tard ilbieraħ il-Ministru għat-Turiżmu Julia Farrugia Portelli ħabbret li l-Maltin se jkunu jistgħu jżuru 19-il pajjiż meta l-ajruport jerġa’ jibda jopera titjiriet normali mill-1 ta’ Lulju, illum il-Prim…

Aktar