Lokali
It-Tempji ta’ Skorba jinfetħu għall-pubbliku bi prezz imraħħas il-Ħadd

It-Tempji ta Skorba fiż-Żebbiegħ se jinfetħu għall-pubbliku bi prezz imraħħas l-Ħadd li ġej. Heritage Malta qalet fi stqarrija li t-Tempji se jinfetħu għall-attività Frott il-bidwi Mġarri. Sostniet li s-sit fejn jinsabu dawn it-tempji joffru xeni mill-isbaħ tal-ambjent rurali u jfakkru lill-viżitatur fl-ambjent li kienu imdawrin bih dawn it-tempji.

Fl-istqarrija ntqal li Skorba kien l-ewwel sit megalitiku li fih intużat teknika moderna għall-iskavar. Kienu ġew identifikati numru ta’ oġġetti arkeoloġiċi minn fażijiet differenti tal-preistorja Maltija. Skorba, flimkien ma’ ħames tempji megalitiċi oħrajn, huwa nkluż ukoll fil-lista tal-wirt kulturali dinji tal-UNESCO. Skorba huwa magħruf għall-eqdem struttura u l-aktar waħda preservata li kienet tikkonsisti fi tlett ikmamar. Aktar tard inbnew kmamar oħra u niċċa. Wieħed mit-tempji ntuża wkoll fil-fażi bikrija fiż-żmien il-Bronż meta ġew miżjuda strutturi oħrajn fil-kamra ta’ ġewwa.

Heritage Malta qalet ukoll li waqt l-attività ‘Frott il-bidwi Mġarri’, se tiftaħ dan is-sit għall-pubbliku bejn id-9.00 a.m. u nofsinhar għall-prezz imraħħas ta’ €3.00. Se jsiru wkoll żjajjar bi gwida. Dawn se jsiru kull siegħa kemm bil-Malti kif ukoll bl-Ingliż. L-ewwel żjara bi gwida se ssir fid-9.30am u se tkun bl-Ingliż. Bil-għan li l-viżitatur jesplora bl-aħjar mod dan is-sit, kull żjara bi gwida se tkun miftuħa għal grupp ta’ madwar 25 persuna. Il-biljetti jistgħu jinxtraw dakinhar mit-Tempji ta’ Skorba. Aktar tagħrif dwar attivitajiet organizzati minn Heritage Malta jinkiseb mill-website tal-aġenzija, www.heritagemalta.org.

Aħbarijiet Oħra
Lokali

Il-Prim Ministru Joseph Muscat qal li b’rabta mal-qtil ta’ Daphne Caruana Galizia huwa favur investigazzjoni iktar wiesgħa minn awtoritajiet Ewropej bħal Europol, ħalli jekk hemm persuni involuti fid-delitt tagħha ma…

Lokali

Mara ta’ 30 sena miż-Żurrieq mietet wara li ttajret minn karozza fix-xatt tal-Gżira.  L-inċident seħħ għall-ħabta tas-7.30 tal-lejla quddiem id-daħla ta’ Manoel Island.  Hija ttajret minn xufier ta’ 40 sena…

Lokali

Il-Kap tal-Oppożizzjoni Adrian Delia qal illi l-konferenza mogħtija mill-Kummissarju tal-Pulizija qajmet aktar dubji u inċertezzi u ma tagħtix serħan il-moħħ li qed isir l-aqwa possibbli biex issir ġustizzja. Dr Delia…

Lokali

Konferenza internazzjonali mifruxa fuq jumejn organizzata mill-Awtorità tat-Turiżmu, qed tħares lejn kif tista’ tintroduċi t-turiżmu reliġjuż lejn Malta. Dan it-tip ta’ turiżmu jkompli jsaħħaħ l-istrateġija tal-awtorità biex it-turiżmu lejn Malta…

Aktar