It-tieni titjira kuljum tal-Emirates minn Awwissu

Il-linja tal-ajru Emirates, se tibda sservi lil Malta bit-tieni titjira ta’ kuljum mill-ewwel t’Awwissu. L-ajruplan A330-200 tal-Emirates ser ikun qed itir kuljum fuq titjira skedata bejn Dubaj u Malta b’waqfa qasira f’Larnaka, Ċipru. It-tieni titjira ta’ kuljum hi skedata fuq ajruplan A340-500 minn Dubaj dirett għal Malta, bil-vjaġġ tar-ritorn jinkludi waqfa fi Tripli.

Fi stqarrija l-Emirates qalet li ż-żewġ ajruplani flimkien ser iżidu l-kapaċità ta’ 917 seat fil-ġimgħa lejn kull direzzjoni u żieda ta’ 90 tunnellata f’ġarr ta’ merkanzija lejn kull direzzjoni. Il-vjaġġaturi Maltin ser ikunu jistgħu jibbenefikaw mill-ġdid l-aċċess ta’ kuljum lejn Larnaka, f’Ċipru, servizz li bħalissa qed jopera erba’ titjiriet fil-ġimgħa.

Minħabba ż-żieda fid-domanda tal-vjaġġaturi minn Tripli, ser jitnieda t-tieni servizz ta’ kuljum minn Awwissu 2014. Dan wara inqas minn sena li kienet introdotta mill-ġdid ir-rotta tal-Emirates lejn Tripli b’waqfa f’Malta f’Settembru li għadda.

Bi flotta ta’ 213 ajruplan, Emirates topera titjiriet minn Dubaj lejn 142 destinazzjoni f’80 pajjiż. 

Aħbarijiet Oħra
Eurovision

Martin Österdahl ġie appuntat Executive Supervisor tal-Eurovision Song Contest u l-Junior Eurovision Song Contest, minflok Jon Ola Sand, li kien ilu 10 snin fil-kariga. Österdahl kien Executive Producer tal-Eurovision Song Contest…

Politika

Il-Prim Ministru Robert Abela qal li r-riżenja ta’ Justyne Caruana mill-kabinett hija turija tal-istandard il-ġdid li l-Gvern irid jimxi bih. Dr Abela qal dan f’kummenti li ta lill-ġurnalisti quddiem il-Parlament,…

Kronaka

F’post fuq il-midja soċjali, persuna xerrdet ritratti tal-karozza tagħha, wara li din kienet involuta f’hit-and-run ftit tal-jiem ilu. Fuq Facebook qalet kif fil-11 ta’ Jannar, ħalliet il-karozza pparkjata f’kaxxa bajda…

Kronaka

Il-Pulizija arrestat raġel ta’ 39 sena mill-Marsa suspettat li wettaq sensiela ta’ serqiet minn ħwienet fl-aħħar ġimagħtejn. L-arrest sar mill-Iskwadra ta’ Kontra r-Reati Vjolenti fi ħdan id-Dipartiment tal-Investigazzjonijiet Kriminali fil-lejl…

Aktar