Lokali
It-trakka mhux se ssir fil-proġett ambjentali u sportiv fil-periferiji tal-Fgura, Ħaż-Żabbar u l-Kottonera 

Il-Gvern se jwettaq proġett ambjentali u sportiv fil-periferiji tal-Fgura, Ħaż-Żabbar u l-Kottonera u tal-madwar li jikkonsisti fi ġnien fi Triq Valperga fejn se jinżergħu aktar siġar u se jinkludi wkoll walking jogging track, żoni ta’ rilassiment, pitch sportiv u scouting area. Apparti dan, biswit ta’ dan il-ġnien se jkun hemm ukoll track tar-roti.

Dan kien proġett li beda fil-leġiżlatura li għaddiet u mistenni jitlesta matul din il-leġiżlatura.

Fi stqarrija maħruġa mill-Ministeru għall-Ambjent intqal li minkejja li fil-pjanijiet oriġinali kien hemm il-ħsieb li ssir dirt track bħala parti minn dan il-proġett, il-Gvern m’għandu l-ebda intenzjoni li jwettaq din it-trakka li tista’ tkun ta’ detriment ambjentali u inkonvenjent għar-residenti tal-madwar.

Stqarr li għaldaqstant, il-Gvern huwa kommess li jwettaq proġett ta’ riġenerazzjoni fejn permezz ta’ ambjent aħjar u aktar sigur, jinċentiva l-attività fiżika għar-residenti.

Aħbarijiet Oħra
Kunsilli Lokali

Il-Kunsill Lokali tal-Belt u l-Fondazzjoni Alf Mizzi daħlu fi ftehim biex il-Kunsill ikollu s-servizz ta’ communtiy workers biex tikkordina l-ħidmiet soċjali li jvarjaw minn programmi għall-anzjani sa programm għat-tfal. Mal-1,500…

Lokali

Fi Strada Stretta, li sas-sebgħinijiet kienet magħrufa bħala t-triq li ma torqod qatt minħabba d-divertiment bla rażan, in-nisa li kienu jaħdmu fil-ħwienet tax-xorb kienu jitħallsu b’dik li tissejjaħ landa mill-baħrin…

Kronaka

Tfajla ta’ 18-il sena minn Birkirkara, ilbieraħ bil-lejl ħelsitha ħafif wara li nqalbet bil-karozza li kienet qed issuq. L-inċident seħħ għall-ħabta tal-11.15pm, fi Triq ix-Xatt, f’Tal-Pieta. It-tfajla kienet qed issuq Kia…

Aktar