Kurżitajiet
It-traskuraġni ta’ ħaddieħor issalva familja ta’ 3

Missier, ibnu u t-tfajla tiegħu jistgħu jgħodduha b’waħda hekk kif ġew salvati bit-traskuraġni ta’ ħaddieħor.

Curtis Whitson flimkien ma’ ibnu u t-tfajla tiegħu ddeċidew iqattgħu xi jiem jesploraw ix-xmara Arroyo Seco u d-dintorni meta spiċċaw maqbuda f’mogħdija dejqa bejn il-blat li ntliet bl-ilma.

It-tliet persuni spiċċaw ma setgħux joħorġu minn fejn kienu l-għaliex l-ammont ta’ ilma tant kien żdied li kien wisq perikoluż għalihom biex jiċċaqalqu.

Kien flixkun tal-plastik li sabu mormi li salvalhom ħajjithom – dan wara li naqqxu l-kelma ‘għajjut’ fuqu u kitbu messaġġ fuq biċċa karta li kellhom fuqhom. Whitson qal li waddbu l-flixkun fl-ilma u ttamaw li jinġarr mal-kurrent sakemm jinstab minn xi ħadd.

B’xorti tajba, il-flixkun ivvjaġġa fl-ilmijiet sakemm żewġt irġiel, li ħarġu fuq hike fl-akwati, lemħuħ u ġabruh. Malli fetħu l-flixkun u qraw il-messaġġ ġo fih, ċemplu minnufih lill-awtoritajiet.

Whitson jirrakkonta kif straħ hekk kif sema’ l-ħoss tal-ħelikopter tal-forzi armati u l-għajta tal-bdot li se jiġu salvati. Whitson issa jinsab fuq missjoni personali li jsib liż-żewġt irġiel li għamlu dik it-telefonata tant importanti biex jirringrazzjhom talli salvaw lilu u lill-familtu mill-mewt.

Aħbarijiet Oħra
Kurżitajiet

Il-Kaptan tal-cruise liner MS Braemar irnexxielu jikseb rekord ġdid hekk kif irnexxielu kważi jagħmel l-impossibbli – li jgħaddi l-bastiment minn kanal dejjaq fil-Greċja. L-MS Braema wiesgħa 22.25 metru u għadda…

Kurżitajiet

11-il persuna li jgħixu f’Chiapas, fil-Messiku, ġew arrestati wara li s-sindku tal-pajjiż inħareġ b’forza mill-uffiċċju tiegħu, ġie marbut ma’ trakk tal-pick-up u tkaxkar mat-toroq tal-inħawi. UNA SU ARRASTRADA. Alcalde de…

Barranin

Kamera tas-sigurtà f’ħanut tax-xagħar fi New York qabdet il-mument li ċerv faqa’ l-vetrina u daħal ġewwa. Iċ-ċerv qabeż minn fuq ras mara li kienet qed tistenna fuq sufan biex tinqeda,…

Kurżitajiet

Mara bla saqaf fuq rasha skantat lil kull min kien qiegħed fis-subway ta’ Los Angeles hekk kif qabdet tkanta biċċa opra b’intonazzjoni perfetta. Ħadd qatt ma ta każ lill-mara qabel…

Aktar