Barranin
Ittella’ lil missierha l-qorti

Il-kantanta popolari Rihanna tellgħet lil missierha l-qorti fl-Istati Uniti fejn qed takkużah li sfrutta u għamel użu minnha u minn isimha biex jagħti spinta lin-negozju tiegħu.

Rihanna akkużat lil Ronald Fenty u l-partner fin-negozju miegħu li użaw isimha f’konnessjoni man-negozju tagħhom li jispeċjalizza fil-qasam tad-divertiment.

In-negozju ta’ missierha – Fenty entertainment – ġie assoċjat ukoll mad-ditta tal-makeup tal-kantanta magħruf bħala Fenty.

Rihanna, li m’għandhix relazzjoni tajba ma’ missierha, qed takkużah li qed juża l-fama u s-suċċessi li kisbet għall-iskopijiet kummerċjali tiegħu.

Il-kumpanija Fenty Entertainment inħolqot fl-2017 u s-sit tan-negozju jirriklama li l-kumpanija ġiet inawgurata maċ-ċelebrità Rihanna minkejja li hi qatt ma kienet involuta.

Fil-qorti ntqal ukoll li l-kumpanija daħlet fi ftehim mal-kantanta biex tagħti l-prestazzjoni tagħha fi 15-il show għal $15miljun mingħajr l-awtorizzazzjoni tagħha.

Aħbarijiet Oħra
Barranin

L-Interpol għadha kemm kixfet ċirku internazzjonali ta’ pedofelija li kien qed ixerred ritratti fuq l-internet ta’ tfal qed jiġu abbużati sesswalment. Bis-saħħa tax-xogħol tal-Interpol, mal-50 tifel u tifla ġew salvati…

Kurżitajiet

L-artist anonimu Banksy reġa’ għamel waħda minn tiegħu hekk kif din id-darba, stieden ruħu b’idejh għall-akbar wirja artistika fid-dinja. L-artist rama’ l-aħħar xogħol artistiku tiegħu fit-toroq ta’ Venezja u jidher…

Barranin

Bejn Ottubru tal-2018 u Marzu tal-2019, il-kumpanija Facebook qalet li qerdet mat-3 biljun profili foloz u aktar minn 7 miljun ‘post’ b’mibgħeda razzjali. Il-Kap Eżekuttiv ta’ Facebook, Mark Zuckerberg qal…

Barranin

Id-Dipartiment tal-Ġustizzja Amerikan ippreżenta 17-il-akkuża ġdida kontra l-ko fundatur ta’ Wikileaks Julian Assange, li qed jaffaċċja l-estradizzjoni mir-Renju Unit. Assange qed jiġi akkużat li rċieva u ppubblika l-ismijiet ta’ sorsi…

Aktar