IVA: il-kampanja tal-‘Le’ niexfa mill-kredibbiltà

IVA, Bħala Maltin u Ewropej qalet fi stqarrija li tal-kampanja kontra l-kaċċa fir-rebbiegħa qed jgħawwġu l-fatti, l-aktar fuq is-sostennibbiltà tal-istaġun limitat ta’ kaċċa fir-rebbiegħa. Dan l-aġir, qalet jistona mal-fatt li l-kelliem ewlieni tal-‘Le’, Saviour Balzan, ġie mħallas sew sabiex hu stess jinnegozja f’isem Malta staġun ta’ kaċċa fir-rebbiegħa skont il-parametri tar-regolamenti tal-Unjoni Ewropea.

Il-kamp IVA qal li f’diskussjonijiet bejn Malta u l-Kummissjoni Ewropea fil-11 ta’ Lulju 2002, Balzan kien saħaq li, “Il-passa tal-gamiem u s-summien fil-Ħarifa hija insinifikanti u t-tneħħija tal-kaċċa fir-Rebbiegħa tkun tfisser it-tneħħija tal-kaċċa minn pajjiżna.”  Qal li fl-istess laqgħa Balzan kien semma wkoll kif il-kaċċa hija attività leġittima b’għeruq fondi fl-attività kulturali ta’ pajjiżna.

IVA, Bħala Maltin u Ewropej qalet li quddiem dawn id-dikjarazzjonijiet tinnota li l-kampanja tal-‘Le’ hija niexfa mill-kredibbiltà.

B’reazzjoni għal dan, Saviour Balzan qal fi stqarrija li t-trattat ta’ adeżjoni ta’ Malta kien jgħid li l-kaċċa fir-rebbiegħa f’Malta kellha tieqaf jekk ma tinstabx alternattiva għaliha u qal mhux minnhu li kien negozjat li ssir kaċċa fir-rebbiegħa.

Balzan qal li d-deroga tinħareġ minn Gvernijiet u ma tiġix negozjata.  Qal tant hu hekk li l-Gvern fi 2004 ħareġ deroga.  Dak iż-żmien qal Balzan kien ilu li telaq milli jaħdem mal-Gvern u kien jaħdem bħala ġurnalist.

Huwa sostna li hu dejjem kont konsistenti fil-fehmiet tiegħu dwar l-ambjent u l-kaċċa. Qal li l-kummenti li qed ibiddel id-diska skont min qed iħallas hija malafamanti. Qal li mhux qed jitħallas biex jitkellem jew jaħdem favur il-kampanja Le kontra l-kaċċa u qal jirriserva d-dritt li jieħu passi legali.

Aħbarijiet Oħra
Qorti

Ragel ta’ 58 sena ġie akkużat li ta b’mus lil kuġinuh wara argument fuq kera. L-inċident seħħ jumejn ilu tard waranofsinhar fi Sqaq Warda, f’Ħal Għargħur. Il-vittma, li għandu 74…

Kronaka

Dalgħodu tilfet ħajjitha l-anzjana li ttajret 4 xhur ilu f’San Ġwann. Hija mietet fl-isptar Mater Dei fejn kienet ilha minn dik inhar tal-inċident f’koma kawża tal-ġrieħi serji li ġarrbet f’rasha….

Enerġija

L-Awtorità tal-Ippjanar għamlet numru ta’ emendi fil-policy dwar il-pompi tal-petrol, li huma bbażati fuq il-proposti li ġew sottomessi fil-konsultazzjoni li saret aktar kmieni din is-sena. L-Awtorità qalet li fost it-tibdiliet,…

Politika

Il-Prim Ministru Joseph Muscat qal li għandu fiduċja sħiħa fiċ-Chairman, il-Kap Eżekuttiv u l-bord kollu tal-Awtorità għas-Servizzi Finanzjarji l-MFSA, li saħaq li hija istituzzjoni indipendenti u awtonoma. Dr Muscat ġie…

Aktar