Kurżitajiet
Iwaqqaf ħesrem it-tour biex jiġi operat b’urġenza

Il-kant-awtur Taljan Eros Ramazzotti kellu jwaqqaf ħesrem it-tour fl-Istati Uniti, l-Amerika Ċentrali u l-Amerika t’Isfel biex jiġi operat b’urġenza fil-kordi vokali.

Huwa kiteb fuq Instagram li se jkollu jieqaf mill-kant għal xahrejn, sakemm jirkupra l-vuċi, iżda determinat li jirritorna fix-xena akbar b’saħħtu minn qatt qabel.

Minn Hamburg fil-Ġermanja, Ramazzotti poġġa r-ritratt fil-klinika fejn se jagħmel l-operazzjoni mal-Professur Markus Hess u rringrazzjah tal-professjonalità tiegħu.

Ramazzotti kellu jagħti mat-80 kunċert madwar id-dinja biex jiċċelebra l-35 sena karriera.  Huwa kien għaddej bit-tour ‘Vita ce n’è World Tour’, li ġie sfurzat ikomplieh is-sena d-dieħla.

Il-kant-awtur Taljan għandu 55 sena u ilu fix-xena mużikali sa mill-1984 li matulhom ħareġ 11-il album, EP, tliet compilation albums, tliet live albums, u 37 single.

Matul il-karriera huwa biegħ mas-60 miljun diska.  Fost l-iktar kanzunetti popolari Musica È,  Adesso Tu u Terra Promessa li biha rebaħ il-Festival ta’ San Remo fl-1984.

Aħbarijiet Oħra
Barranin

Fir-Renju Unit telgħu għal tmienja l-politiċi s’issa, li daħlu fit-tellieqa biex jieħdu post Theresa May bħala Mexxej tal-Partit Konservattiv wara li ħabbret li se tirriżenja fi żmien ġimagħtejn oħra. Il-mexxej…

Barranin

21 stat membru tal-Unjoni Ewropea llum qed jivvotaw biex jeleġġu l-ewroparlamentari li se jirrapreżentaw lill-pajjiżhom fil-Parlament Ewropew. Il-Ħamis ivvutaw l-Olanda u r-Renju Unit li kellu jipparteċipa f’dawn l-elezzjonijiet minħabba li…

Barranin

Fir-Renju Unit bdiet it-tellieqa għall-mexxej tal-Partit Konservattiv li jmiss, wara li lbieraħ, Theresa May ħabbret li se tirriżenja x-xahar id-dieħel. Din l-elezzjoni mhux se tirriżulta biss f’mexxej ġdid tal-partit, imma…

Barranin

Mill-inqas 8 persuni ndarbu wara li pakkett suspettat b’bomba sploda fiċ-ċentru tal-belt Franċiża ta’ Lyon. Lyon hi t-tielet l-ikbar belt fi Franza. Il-Pulizija ssiġillaw ix-xena tal-inċident u bħalissa fuq il-post…

Aktar