Kronaka
Iweġġa’ gravi wara li prova jwaqqaf ħalliel

Raġel qed isofri ġrieħi gravi wara li kien aggrediet minn raġel li daħal fuqu.

Matul il-lejl li għadda, għall-ħabta tat-3.15am, raġel mhux magħruf daħal jisraq minn ħanut fi Triq il-Kunċizzjoni, il-Ħamrun. Huwa daħal billi sgassa tieqa.

Dak il-ħin, kien hemm is-sid, raġel ta’ 37 sena li pprova jwaqqaf il-ħalliel. Jidher li s-sid weġġa’ wara li allegatament kien aggredit b’arma li taqta’ u bil-ponta.

Il-ħalliel irnexxielu jaħrab minn fuq il-post bi flus kontanti.

Is-sid ittieħed l-isptar Mater Dei b’ambulanza fejn ġie ċċertifikat li qed isofri minn ġrieħi gravi.

L-investigazzjoni tal-Pulizija għadha għaddejja.

Aħbarijiet Oħra
Temp

L-uffiċċju meterjoloġiku qed ibassar riħ qawwi ħafna għal għada l-Ħadd 24 ta’ Frar. Jidher li r-riħ se jilħaq il-qawwa ta’ riefnu (forza 8-9) mal-jum ta’ għada. It-temp mistenni jkun imsaħħab…

Kronaka

Persuna ġarrbet xi ġrieħi wara li kienet involuta f’inċident fuq il-baħar fl-inħawi ta’ Fra Ben, fil-Qawra. Il-każ seħħ għall-ħabta tat-3.00 ta’ waranofsinhar. TVM infurmat li fil-ħin tal-inċident il-persuna kienet fil-baħar…

Politika

Il-President tal-Kunsill Ġenerali tal-Partit Nazzjonalista, Kristy Debono, qalet li l-Partit Nazzjonalista kien u se jibqa’ t-tarka tal-poplu u tal-pajjiż kollu waqt li se jsaħħaħ il-ħidma favur il-pajjiż. Fi tmiem it-tielet…

Aktar