Lokali
Ix-xadina fl-abbissi ġġiblu l-fortuna

Fotografu Malti-Svediż rebaħ kompetizzjoni prestiġġjuża tal-fotografija għal ritratt “Mill-Abbissi” li ħa meta kien qed jivjaġġa fil-Ġappun.  Johan Siggesson li jgħix Malta rebaħ il-kategorija tal-annimali li jgħixu fis-selvaġġ tal-kompetizzjoni The Travel Photographer of the Year 2017.

Huwa rebaħ b’dan ir-ritratt ta’ xadina Ġappuniża magħrufa bħala Snow Monkey li tidher isserraħ idha x-xellugija f’xifer waħda mill-għadajjar sħan li hemm f’Hell Valley.  Il-fotografu qal li huwa faċli tieħu ritratt ta’ dawn ix-xadini fil-Ġappun, iżda biex issib xi ħaġa differenti minn tas-soltu mhux daqstant huwa sempliċi.

Fi stqarrija, Johan Siggesson qal li jinsab kuntent ħafna b’dan l-unur u sostna li huwa onorat li ntgħażel minn membri tal-ġurija b’esperjenza f’dan il-qasam f’kompetizzjoni missielta ferm.  Fis-snin li għaddew, ir-ritratti rebbieħa rawhom mal-250,000 ruħ u r-ritratt tal-fotografu Malti-Svediż mistenni wkoll jiġi esebit f’diversi wirjiet li se jittellgħu s-sena d-dieħla fir-Renju Unit.

Aħbarijiet Oħra
Sport

Wara s-suċċess tal-atleti Maltin tal-Olimpjadi Speċjali b’rebħ ta’ erbgħin midalja fil-logħob dinji ta’ Marzu li għadda, tissokta ħidmet il-fondazzjoni Marigold biex permezz ta’ din il-pjattaforma tagħti opportunitajiet sportivi lil atleti…

Forzi Armati

Fit-tislima mill-ogħla awtoritajiet lill-monument li jfakkar lil Malta Indipendenti fil-Floriana, dalgħodu spikka s-salut ta’ 21 tir minn kanuni tal-Forzi Armati. Din il-parti taċ-ċerimonja ġibdet l-interess ta’ grupp imdaqqas ta’ Maltin…

Kultura

Il-Main Guard, it-toroq u l-bjar taħt il-Belt u The Fortress Builders huma tliet siti li għaddew f’idejn Heritage Malta, l-aġenzija nazzjonali li tħares il-wirt storiku u kulturali tal-pajjiż. F’konferenza tal-aħbarijiet…

Politika

Malta, permezz tal-ambaxxatur għan-Nazzjonijiet Magħquda, Carmelo Inguanez, qiegħda tippresiedi wħud mis-sessjonijiet tal-74 sessjoni tal-Assemblea Generali tan-Nazzjonijiet Magħquda. Dan wara li għall-ewwel darba wara tmintax-il sena, Malta intgħażlet bħala wieħed mill-Viċi…

Aktar