Xjenza
Ix-Xjenza fil-Kamra tesponi 16-il proġett mill-UOM u l-MCAST

Il-wirja “Ix-Xjenza fil-Kamra” li tittella’ fil-bini tal-Parlament, tiċċelebra l-kisbiet f’Malta li saru mix-xjenzjati, l-akkademiċi u l-inġiniera.

Fil-ftuħ tal-wirja, il-Prorettur tal-Universita’ għar-riċerka u l-innovazzjoni, il-Professur Saviour Zammit, tkellem fuq erba’ riċerkaturi Maltin li dan l-aħħar irċevew il-University Research Grant Awards. Dawn kellhom proposti għar-riċerka f’suġġetti li huma l-arti, l-istudji umanistiċi, ix-xjenzi soċjali, l-inġinerija, l-ICT, ix-Xjenzi tal-Ħajja u x-Xjenzi naturali.

Il-Prorettur Zammit qal li l-għan ta’ wirja bhax-Xjenza fil-Kamra hu li iżjed żgħażagħ jitħajru jistudjaw suġġetti marbuta max-xjenza, it-teknoloġija, l-inġinerija u l-matematika. Saħaq fuq il-ħtieġa ta’ aktar għajnuna lill-istudenti li jkunu qed jistudjaw fil-livell ta’ Dottorat.

“Il-poplu Malti jagħti għajnuna lil studenti undergraduates. Issa wasal iż-żmien biex ngħinnu wkoll lil dawk l-istudenti li jkunu jridu jagħmlu Dottorat… Pajjiżi barranin għandhom studentships, tip ta’ stipendju li jingħata lilhom għax ikunu qegħdin jaħdmu fuq proġetti ta’ riċerka li huma bżonnjużi għall-pajjiż.”

Id-Deputat Speaker Claudette Buttigieg qalet li din hi inizjattiva Ewropea biex tħeġġeġ interess fix-xjenza.

Il-Wirja Ix-Xjenza fil-Kamra se tkun miftuħa għall-pubbliku sal-ewwel Sibt ta’ Ottubru meta ssir in-Notte Bianca u l-pubbliku se jkun jista’ jżur il-bini tal-Parlament. Din hi waħda mill-attivitajiet ewlenin tal-festival Science in the City. Ix-Xjenza Għalik organizzata mill-European Researchers’ Night Consortium u li ssir il-Ġigmħa filgħaxija f’diversi nħawi fil-Belt Valletta.

Aħbarijiet Oħra

Id-Dipartiment tal-Protezzjoni Ċivili għandu vettura ġdida biex tagħmilha iktar possibbli biex jiġu salvati nies jekk jinqala’ xi inċident f’bini għoli. Il-vettura nxtrat mill-Awtorità tal-Ippjanar hekk kif fl-aħħar snin żdiedu l-binjiet…

Mart il-President ta’ Malta, is-sinjura Miriam Vella qalet li tifhem eżatt il-bżonn ta’ iktar għarfien fuq il-kanċer tas-sider għax tilfet lill-ommha b’dan il-kanċer. Is-sinjura Vella din is-sena hija l-Patruna tal-kampanja…

Il-Kummissjoni Elettorali tal-Partit Nazzjonalista fi stqarrija qalet li llum għamlet il-verifiki kollha u ġie konkluż li n-numru ta’ tesserati eleġibbli biex jivvutaw fl-elezzjoni għall-ħatra ta’ Kap tal-Partit Nazzjonalista huwa 21,499….

Uffiċjali mill-Awtorità tas-Saħħa u s-Sigurtà fuq il-post tax-xogħol, l-OHSA qegħdin jiċċertifikaw li kull skola f’Malta u Għawdex hija konformi mar-regolamenti li tfasslu mill-awtoritajiet tas-saħħa. F’kummenti ma’ Television Malta, is-Segretarju Permanenti…

Aktar