Lokali
Ix-Xlukkajri jridu li l-Monti tal-Ħadd iżarma fit-3pm
Ir-residenti ta’ Marsaxlokk taw il-fehma tagħhom f’votazzjoni fil-Kunsill Lokali dwar il-ħin taż-żarmar tal-monti fil-ġurnata tal-Ħadd.
89% tar-residenti li vvutaw qablu li l-monti tal-Ħadd li jarma fix-xatt jżarma qabel it-tlieta ta’ wara nofsinhar u mhux f’inżul ix-xemx. Mit-3,220 resident eligibbli, ivvutaw 771.  Minnhom, 684 qablu li l-monti jzarma qabel it-tlieta.  76 qalu li ma jaqblux u kien hemm 11-il vot invalidu.
Il-pożizzjoni tal-maġġoranza taqbel mal-pożizzjoni unanima meħuda mill-membri tal-Kunsill Lokali.  Is-Sindku Horace Gauci qal li hi x-xewqa tagħhom li l-170 bejjiegħ tal-monti jżarmaw fit-tlieta biex isir it-tindif u x-xatt ikun jista’ jitgawda mir-residenti u l-pubbliku.  Is-Sur Gauci qal li l-Kunsill issa se jiltaqa’ nhar it-Tlieta, jiddiskuti r-riżultat u jippreżentah lill-gvern bħala r-reazzjoni tiegħu għall-konsultazzjoni għall-white paper dwar is-swieq fil-beraħ.
Aħbarijiet Oħra
Eurovision

Malta kklassifikat fit-tmien post fis-semifinali tal-Eurovision li sar nhar il-Ħamis li għadda. Hija kisbet 157 punt. Fis-semifinali ta’ nhar il-Ħamis għaddew l-Olanda (280 punt), it-Tramuntana tal-Maċedonja (239 punt) l-Isveżja (238 punt), l-Isvizzera…

Qorti

Aftab Prince, Pakistani ta’ 37 sena wieġeb mhux ħati għall-akkuża li fit-12 ta’ Mejju li għadda stupra mara Pakistana f’aktar minn okkażjoni waħda. Huwa kien akkużat ukoll li dan wassal…

Kronaka

Katavru ta’ raġel ta’ 67 sena mill-Mosta nstab viċin Kemmuna. Kien ilbieraħ, għall-ħabta tal-10.50pm, meta l-Pulizija ġiet infurmata li kien għadu kemm intlemaħ ġisem ta’ persuna fil-baħar viċin is-Sikka ta’…

Qorti

Raġel ta’ 25 sena minn Wied il-Għajn tressaq il-Qorti akkużat bi traffikar tad-droga kannabis u pussess tad-droga kokaina u li kellu armi fil-pussess tiegħu. Quddiem il-Maġistrat Josette Demicoli, huwa wieġeb mhux…

Aktar