Politika
Iż-żarmar tal-monti f’moħħ ix-Xlukkajri – is-Sibt msejħa għal vot konsultattiv

L-assoċazzjoni tal-bejjiegħa tal-monti qalet li s-sindku ta’ Marsaxlokk ta interpretazzjoni żbaljata meta qal li l-maġġoranza tal-bejjiegħa tal-monti jaqblu li l-monti tal-Ħadd f’Marsaxlokk jibda jżarma fit-tlieta ta’ waranofsinhar.

Il-President tal-Assoċjazzjoni Raymond Tabone qal li l-maġġoranza tal-bejjiegħa qablu li jżarmaw fit-tlieta jekk il-vann ikun mat-tellar tagħhom li bħalissa mhuwiex. Il-kwistjoni tal-monti bħalissa hija f’moħħ ix-Xlukkajri li nhar is-Sibt huma mħeġġa jesprimu l-opinjoni tagħhom f’vot konsultattiv imsejjaħ mill-Kunsill dwar il-proposti biex il-monti jżarma fit-tlieta.

Il-bejjiegħa tal-Monti f’Marsaxlokk li kull nhar ta’ Ħadd ikun miżgħud bin-nies ma jaqblux mal-kunsill ta’ Marsaxlokk li jridhom iżarmaw fit-tlieta flok fis-sitta. Il-Kumsill li anke sejjaħ vot dwar dan isostni li wara t-tlieta, ix-xatt għandu jkun ħieles biex jitgawda mill-pubbliku.

Il-President tal-assoċazzjoni tal-bejjiegħa tal-Monti, Raymond Tabone qal li l-istħarriġ li qed jissemma mis-Sindku Horace Gauci sar fl-2015 u m’għadux relevanti għaliex inbidlu ċ-ċirkustanzi minħabba li dakinhar, il-kwistjoni tal-ħinijiet tal-monti kienet marbuta ma jekk il-bejjiegħa jkollhomx il-vannijiet magħhom jew le fuq ix-xatt.

Il-President tal-Assoċazzjoni tal-Bejjiegħa tal-Monti, Raymond Tabone qal ”il-Gvern iddeċieda li Marsaxlokk il-Ħadd inkunu bla vannijiet. Mela awtomatikament dak is-survey jaqa’. Għax ma kienx ġust u kien hemm dik l-għażla imma kien hemm li tneħħi l-vann bilfors u allura kienet mis-sitta sas-sitta.”

Il-membri tal-assoċazzjoni spjegaw li biex il-monti jżarma fit-tlieta jridu jibdew jiżbarrazzaw it-tillieri tagħhom xi tliet sigħat qabel anke minħabba li l-vannijiet huma pparkjati banda oħra. Sostnew li bi tnaqqis ta’ tliet sigħat jitilfu ħafna bejgħ.

Il-monti ta’ Marsaxlokk ta’ nhar ta’ Ħadd, jarmaw mal-170 bejjiegħ u huwa l-unika wieħed fl-irħula li jżarma fis-sitta. Il-kwistjoni dwar dal-monti qamet fl-istess waqt li bħalissa hemm konsultazzjoni pubblika fuq il-white paper dwar ir-riforma tas-swieq fil-beraħ. Id-direttur ġenerali tad-dipartiment tal-kummerċ Godwin Warr qal għaddejjin diversi laqgħat ma’ dawk involuti bħala parti mill-konsultazzjoni li ġiet estiża sal-aħħar tax-xahar.

Aħbarijiet Oħra
Infrastruttura

Il-Korporazzjoni għas-Servizzi tal-Ilma minn għada se tibda tiswijiet fis-sistema ta’ katusi f’qiegħ il-baħar li jintuża għar-rimi ta’ drenaġġ trattat mill-impjant ta’ Għawdex. Il-ħidma delikata li għandha tieħu madwar tliet ġimgħat…

Kronaka

Raġel ta’ 33 sena weġġa’ gravi f’inċident bil-mutur f’Birkirkara. Il-Pulizija kienet infurmata bl-inċident fi Triq il-Wied għall-ħabta tal-4.45pm. Fi stqarrija l-Pulizija qalet li s-sewwieq, li jgħix il-Pietà, kien qed isuq…

Saħħa

F’Malta hawn madwar 7,000 persuna li għandhom id-demenzja, bl-istudji juru li l-għadd mistenni jiżdied għal mill-inqas 13,000 sal-2050. L-esperti jemmnu li din hija biss ix-xifer tal-istampa, minħabba li għadd ta’…

Stejjer Umani

Għalkemm il-Maltin ikunu qed jistennew is-sajf bil-ħerqa biex jaqtgħu xi ftit mir-rutina ta’ kuljum tax-xogħol, mhux l-istess jista’ jingħad għal Alfred Attard li ilu aktar minn 40 sena jiġbor il-melħ…

Aktar