Barranin
Iżeffnu lil Mona Lisa f’nofs id-diżgwid tagħhom
Id-diżgwid u t-tensjonijiet politiċi bejn l-Italja u Franza jidher li se jinfirex ukoll fid-dinja tal-arti hekk kif l-Italja qed tgħid li l-Mona Lisa bi dritt tappartjeni lill-Italja.
Il-legat artistiku li ħalla warajh l-artist u l-inġinier Taljan, Leonardo Da Vinci, minn dejjem ħoloq xi ftit jew wisq dibattitu bejn l-Italja u Franza hekk kif il-biċċa l-kbira tax-xogħlijiet tiegħu jinsabu f’mużewijiet Franċiżi.
Issa, aktar minn qatt qabel, qalb it-tensjoni politika, l-Italja tħoss li l-opri tal-arti tal-pittur Tajlan posthom huwa fl-Italja u mhux Franza.
Fil-500 anniversarju mill-mewt ta’ Leonardo Da Vinci, il-Louvre mistenni jtella’ eżebizzjoni fejn kien intlaħaq ftehim mal-Italja sentejn ilu biex jiġu mislufa xi xogħlijiet oħrajn minn tiegħu li jinsabu fl-Italja. Iżda qalb it-tensjonijiet bejn il-pajjiżi, il-ministru tal-kultura, Lucia Borgonzoni, qed thedded li mhux se tippermetti dan is-self filwaqt li qalet li x-xogħlijiet tal-artist fi Franza għandhom jiġu rritornati lill-Italja.
Leonard Da Vinci għex fl-Italja iżda fl-aħħar snin ta’ ħajtu kien emigra lejn Franza, fej sab ir-rifuġju.
Aħbarijiet Oħra
Immigrazzjoni

Tkompli tiżviluppa l-kwistjoni tal-immigranti abbord il-vapur Open Arms. Fl-aħħar sigħat tniżżlu Lampedusa s-27 immigrant taħt l-età wara li l-Ministru tal-Intern Taljan Matteo Salvini ta l-approvazzjoni li dawn jiddaħħlu l-Italja. Iżjed…

Barranin

Uffiċjal tas-sigurtà f’ajruport fi New York tkeċċiet mix-xogħol wara li tat nota lil passiġġier li fiha kien hemm miktub “Int ikrah”. Il-każ li seħħ f’Ġunju fi Greater Rochester International Airport. Il-filmat,…

Barranin

Raġel li raqad fuq saqqu li jintefaħ sab ruħu għadd ta’ kilometri ‘l bogħod fl-Istrett ta’ Messina, il-fliegu ta’ bejn l-Italja u Sqallija. Wara tfittxija ta’ disa’ sigħat, ir-raġel minn Reggio…

Barranin

Tkompli għaddejja l-kontroversja dwar il-vapur taż-żejt Iranjan li kien ilu miżmum minn Ġibiltà minn Lulju minħabba suspetti li kien qed iġorr iż-żejt lejn is-Sirja. Il-vapur issa telaq minn Ġibiltà minkejja…

Aktar