Lokali
Iżewqu l-poeżija ta’ Dun Karm b’mużika moderna għall-Għanafest

Iċ-ċelebrazzjoni tal-folklor Malti kienet fl-aqwa tagħha f’edizzjoni oħra ta’ Għanafest, li bdiet fil-ġonna tal-Argotti fil-Floriana. L-għana Maltija hija meqjusa bħala l-eku tal-passat storiku ta’ Malta b’influwenza Għarbija u Ewropea.

Iltqajna mal-membri tal-quintett Skald, li ilhom ħbieb mindu kienu żgħar iżda ngħaqdu flimkien f’Awwissu li għadda biex jaħdmu fuq proġett mużikali li jfakkar il-poeta nazzjonali Dun Karm Psaila.

Bertu Aquilina, wieħed mill-membri ta’ Skald, jgħid li Festivals Malta reġgħu avviċinawhom biex jieħdu sehem f’Għanafest, fejn qed jittrasformaw f’mużika kontemporanja Maltija l-kitba tal-poeta nazzjonali.

“Oqsma differenti ta’ mużika, anke dik Maltija. L-istili mużikali u l-għana tradizzjonali tidħol tajjeb anke fil-lingwa Maltija – tista’ tħallatha u żżewwaq din il-mużika li tolqot lin-nies li l-għana mhijiex il-mużika favorita tagħhom imma xorta jieħdu gost jisimgħuha,” qal Bertu Aquilina.

Minbarra l-quintett Skald, fl-Għanafest ħadet sehem il-band Kelly’s Heroes ibbażata f’Nottingham, b’repertorju li jvarja minn melodiji u kanzunetti Keltiċi bi ħsejjes tradizzjonali Irlandiżi. Iżda anke l-edizzjoni ta’ din is-sena laqqgħet bosta għannejja li se jgħannu diversi stili ta’ għana, fosthom dak bid-daqq tal-Prejjem, għana tal-botta u risposta, u għannej tal-fatt u tal-ispirtu pront.

L-Għanafest din is-sena wara s-serati fl-Argotti se jissokta bi programm fl-irħula matul din il-ġimgħa, bi tliet iljieli fil-Qrendi, fil-Buskett, u f’Birżebbuġa.

Aħbarijiet Oħra
Lokali

Żewġ Maltin li jinsabu f’Tokyo kellhom sorpriża ħelwa li ħadd ma kien joħlomha. Waqt li kienu f’Tokyo, il-Maltin iltaqgħu ma’ żagħżugħ Ġappuniż li mhux talli jaf xi kelma ‘l hemm u…

Qorti

Bulgaru li jgħix San Pawl il-Bahar żgiċċa l-proċċeduri kontrih wara żball proċedurali għaliex id-dati tal-akkużi ma tniżżlux sew. Simeon Nikolaw Darakhiev kien akkużat b’hit and run fuq karozza fil-Qawra. Wara…

Saħħa

Iċ-Chairperson tal-Fondazzjoni Marigold u l-Alleanza Nazzjonali għall-Mard Rari Michelle Muscat appellat lin-Nazzjonijiet Magħquda biex tħeġġeġ lil kull pajjiż ikollu strateġija ħolistika li tgħin lill-pazjenti li jbatu bil-mard rari u lill-familji…

Ekonomija u Finanzi

Il-Borża ta’ Malta nediet tliet indiċi tal-bonds fis-suq. Iċ-Chairman tal-Borza ta’ Malta, Joseph Portelli, qal li dawn l-indiċi ġodda se jagħmluha faċli biex investituri jkunu jistgħu jqabblu b’mod faċli r-ritorn…

Aktar