Lokali
Iżur Malta l-Prim Ministru Finlandiż

It-temi marbuta mal-Unjoni Ewropea li fl-aħħar jumejn ġew diskussi fil-Kunsill Ewropew fi Brussell, qed ikomplui jiġu diskussi llejla f’Villa Francia f’Ħal-Lija, f’working lunch bejn il-Prim Ministru Joseph Muscat u l-Prim Ministru tal-Finlandja Juha Sipila, ftit wara li ż-żewġ Prim Ministru waslu Malta minn Brussell. Il-Prim Ministru Finlandiż bħalissa qed iħejji biex fit-tieni nofs tas-sena d-dieħla, pajjiżu jkollu l-Presidenza tal-Unjoni Ewropea u f’dan l-istadju jkun irid jifhem il-pożizzjonijiet tal-pajjiżi membri fuq il-prijoritajiet tal-Unjoni Ewropea.

Illejla wasal Malta għal żjara ta ftit sigħat il-Prim Ministru tal-Finlandja, Juha Sipila

Huwa kien milqugħ fi Villa Francia, f’Ħal Lija, ir-residenza uffiċjali tal-Prim Ministru, mill-Prim Ministru Joseph Muscat.

Iż-żewġ Prim Ministri wara li ħadu r-ritratt uffiċjali u l-Prim Ministru Sipila ffirma l-ktieb tal-viżitaturi, iż-żewġ Prim Ministri bdew il-laqgħa tagħhom.

L-iskop ta din iż-żjara huwa biex iż-żewġ Prim Ministri jiddiskutu l-prijoritajiet tal-Presidenza Finlandiza tal-Kunsill Ewropew meta l-Finlandja tieħu t-tmun tal-Presidenza bejn Lulju u Diċembru tas-sena d-dieħla.

Iż-żewġ Prim Ministri qed jiltaqgħu f’pajjiżna sigħat biss wara li kienu flimkien waqt is-Summit tal-Kunsill Ewropew fi Brussell.

Juha Sipila huwa relattivament ġdid fil-politika. Huwa mexxa l-partit Ċentrali Finalndiż għar-rebħa elettorali fl-2015 u fforma gvern ta’ koalizzjoni. Huwa nħatar Prim Minisrtru tal-Finlandja f’Mejju tal-2015.

Il-Prim Ministru tal-Finlandiż Juha Sipila mistenni jħalli Malta llejla stess.

Aħbarijiet Oħra
Lokali

Inqas minn tliet xhur wara li ġie fi tmiemu s-Sinodu tal-Isqfijiet dwar iż-Żgħażagħ, eluf ta’ żgħażagħ qed jinġabru fil-Panama għall-Jum Dinji taż-Żgħażagħ. Il-Papa Franġisku jasal il-Panama għada bil-qofol taċ-ċelebrazzjonijiet jintlaħqu…

Ikel

Fl-isfond tal-kontroversja li bdiet wara s-servizz tal-aħbarijiet ta’ TVM mal-Imam Mohammad Elsadi, dwar il-qtil tal-annimali bir-ritwal Musulman, komplejna nsegwu l-kwistjoni. Mhux eskluż li l-qtil tal-annimal bis-sistema tal-halal, għalkemm mhux isir…

Trasport

Is-sidien tal-pompi tal-petrol bdew b’azzjonijiet industrijali minħabba nuqqas ta’ ftehim mal-Gvern dwar it-talba għal żidiet fil-qligħ tagħhom. L-azzjoni ewlenija hi li l-pompi mhux se joffru s-servizz mill-magni awtomatiċi wara s-sitta…

Familja

Matul is-sena li għaddiet kien hemm xejn inqas minn 1,303 koppji li żżewġu fuq cruise liner li jtajjar il-bandiera Maltija. Din l-informazzjoni ngħatat fil-Parlament mill-Prim Ministru Joseph Muscat għall-mistoqsija tad-Deputat…

Aktar