Kurżitajiet
Jaf tidħol fis-suq maskra li tixgħel meta wieħed jispiċċa infettat bil-coronavirus

Tim ta’ xjentisti minn MIT u Harvard qed jaħdmu fuq maskra ġdida li tixgħel meta l-persuna jispiċċa infettat bil-coronavirus.

Il-maskra hija maħsuba biex tixgħel ladarba l-persuna infettata tieħu n-nifsijiet, tisgħol u tagħtas, bix-xjentisti jemmnu li din it-teknoloġija l-ġdida jaf tindirizza l-problema tal-ittestjar li mhux dejjem qed ikun effettiv.

Dawn il-maskri jaħdmu b’sistema ta’ sensors li jiġu attivati mill-partiċelli tal-ilma li jinsabu fin-nifsijiet, fis-sogħla jew fl-għatis kif ukoll is-sekwenza ġenetika tal-virus, jekk dan ikun preżenti. Bis-saħħa tas-sensors imbagħad, il-maskra tixgħel biex tagħti indikazzjoni ċara lill-esperti jekk il-pazjent hux infettat bil-virus jew le.

Rapporti tal-midja internazzjonali qalu li din il-maskra tixgħel biss meta l-esperti jużaw xi tagħmir marbut mal-UV.

Safrattant, it-tim ta’ xjentisti qed jaħdmu qatigħ biex jaslu għall-invenzjoni sas-sajf li ġej.