Lokali
Jagħtuk kafè b’xejn jekk tiġbor il-ħmieġ mit-triq

Permezz ta’ inizjattiva mhux tas-soltu wieħed jista’ jakkwista kafè u fl-istess waqt jagħmel azzjoni tajba.

Gabbana fil-Mosta, li tbigħ il-kafè u l-ikel organiku, qed toffri kafè b’xejn lil kull min jimla barmil biż-żibel li jkun mormi fit-triq. Għal din il-biċċa xogħol il-gabbana tagħtik ukoll par ingwanti.

Annelise, is-sid ta’ Ann’s Vann, hija l-moħħ wara din l-inizjattiva. F’kumment lil TVM, Annelise qalet li ddeċidiet li toffri kafè bla ħlas biex tinkoraġġixxi lin-nies inaddfu l-ħmieġ li jkerrah pajjiżna. “Kull qatra tgħodd,” sostniet Annelise.

Annelise qaltlilna li l-gabbana tagħha se tibqa’ armata fejn il-Lidl tal-Mosta sal-aħħar t’April.

Intant, is-sid tal-ħanut fin-Naxxar li jimporta l-kafè offrut f’din il-gabbana, qal li l-inizjattiva ta’ Ann’s Van hija waħda indipendenti, iżda xorta waħda jappoġġja azzjonijiet pożittivi bħal dawn.

Aħbarijiet Oħra
Temp

L-uffiċċju meterjoloġiku qed ibassar riħ qawwi għall-ġurnata tal-lum. Ir-riħ mill-Majjistral ser jkun qawwi u lokalment qawwi ħafna kultant fuq il-Gżejjer Maltin. Din it-twissija tibqa’ fis-seħħ sa nofs il-lejl.

Lokali

Il-Partit Laburista u l-Partit Nazzjonalista lbieraħ ġabru flimkien €1473,806. Fix-xahar ta’ Diċembru jsiru sensiela ta’ maratoni ġbir ta’ fondi bl-ewwel tnejn ikunu tal-Partiti Politiċi. F’maratona ta’ ġbir ta’ fondi, ilbieraħ…

Kunsilli Lokali

Ittieħdu diversi inizjattivi biex jitfakkar il-25 anniversarju mit-twaqqif tal-Kunsilli Lokali f’Malta. Il-Kunsill Lokali tal-Mellieħa ħareġ b’idea oriġinali, dik li jtella’ musical. Wara sitt xhur ta’ xogħol, il-musical “Naħal tal-Imħabba” ttella’…

Aktar