Settur Marittimu
Jaħsbuha jekk jgħerrqux il-vapur li nkalja fil-Qawra biex jitgawda mill-għaddasa

Wara li nkalja fi Ta’ Fra Ben, fil-Qawra fi Frar li għadda, il-bastiment Hephaestus jaf jerġa’ jkun attrazzjoni kif kien għal bosta fl-aħħar sitt xhur. TVM huwa infurmat li qed ikun ikkunsidrat li l-vapuri jiġi mgħerreq f’post madwar il-ġzejjer Maltin ħalli jkun ta’ attrazzjoni ġdida għall-għaddasa.

Il-ħsara kbira li ġarrab il-vapur Hephaestus b’tul ta’ sittin metru, ħarġet iktar fid-deher meta dan idaħħal fil-baċir tal-‘Cassar Marine Group’ f’lejlet il-Vitorja.

Anthony Cassar, minn ‘Cassar Marine Group’, il-kuntrattur li kien responsabbli biex jaqla’ t-tanker minn mal-blat u rmonkah lejn it-tarzna fil-Marsa, qal lil TVM li minħabba l-ħsarat kbar il-bastiment ħabbathom anki biex daħluh fil-baċir.

Is-Sur Cassar qal li l-vapur ma jistax jissewwa għax l-ispiża hija kbira u mhix vijabbli għas-sidien li jirranġawh. Madankollu qal li l-bastiment jista’ jerġa jispiċċa fil-baħar bħala attrazzjoni għall-għaddasa.

Huwa qal li l-bastiment fi żmien xahrejn, il-vapur ser ikun lest biex jiġi mgħarraq wara li jitnaddaf miż-żejt u jsiru xi tibdiliet żgħar għas-sigurtà tal-għaddasa.

“Irid jerġa’ jiġi mnaddaf, il-magni jkunu jridu jinqalgħulu, injam, ġabini bl-injam kollha jiġu maqlugħin u tkun trid tagħmillu sistema biex meta diver ikun qed jispezjonah ma jkollux xi problema li allaħares qatt jeħel f’xi kabina. Allura rridu nolterawh għal dik is-sistema, ikollu two entrances jiġifieri, li diver ma jkollux entratura waħda ikollu żewġ entrances biex jekk allaħares qatt minn fejn daħal ma jistax joħroġ, ikollu entratura minn fejn joħroġ” qal Anthony Cassar.

Is-Sur Cassar qal li l-alternattiva l-oħra għad-destin ta’ dan it-tanker hi li jinbiegħ għall-iscrap.

Aħbarijiet Oħra
Ġurnali

In-Nazzjon Fl-ewwel paġna ta’ In-Nazzjon insibu ritratt tal-Kap tal-Partit Nazzjonalista Adrian Delia mal-President tal-Partit Popolari Ewropew Joseph Daul f’Salżburgu. F’rapport dwar l-għeluq ta’ diskussjoni mal-kandidati tal-Partit Nazzjonalista għall-elezzjoni tal-Parlament Ewropew,…

Politika

Il-Prim Ministru Joseph Muscat awgura li jintlaħaq ftehim dwar Brexit iżda qal li jrid ikun realistiku u filwaqt li jemmen li ftehim huwa possibbli, il-progress qed ikun diffiċli. Huwa qal dan…

Politika

“Se nkompli nitkellem fl-Ewropa f’isem il-poplu Malti u Għawdxi kollu, u naħdem b’mod konkret biex inħares l-interessi tan-nies f’dak kollu li bħala pajjiż jolqtna mill-qrib” – dan qalu l-Kap tal-Partit…

Aktar