Lokali
Jallegaw li rapport tal-FBI dwar il-qtil ta’ Daphne Caruana Galizia ntbagħat lil kumpanija Amerikana

Il-Prosekuzzjoni fil-każ tat-tliet irġiel mixlija bil-qtil ta’ Daphne Caruana Galizia allegat fil-qorti li r-rapport tal-FBI li jinsab fil-kumpilazzjoni tax-xhieda spiċċa għand kumpanija Amerikana bi ksur tal-liġi.

Id-Deputat Avukat Ġenerali Philip Galea Farrugia informa lill-Qorti li l-avukat William Cuschieri, li qed jidher għall-aħwa George u Alfred Degiorgio bagħat ir-rapport tal-FBI lill-kumpanija Amerikana li mhix parti mill-proċeduri bi ksur tal-liġi. Staqsa wkoll kif l-akkużati li għandhom l-assi ffriżati setgħu ħallsu mijiet ta’ eluf ta’ dollari lil kumpanija Amerikana biex tinvestiga r-rapport tal-FBI.

Il-Qorti preseduta mill-Imħallef Edwina Grima, qalet li l-prosekuzzjoni tista’ tagħmel rapport lil pulizija dwar dan. Il-Qorti ordnat li min issa ‘l quddiem m’għandu jingħata xejn lil ħadd jekk mhux parti mill-proċeduri. Il-Prosekuzzjoni talbet li r-rapport li sar mill-kumpanija Amerikana għandu jitneħħa mill-atti tal-kawża. L-Imħallef qalet li ser tagħti d-deċiżjoni dwar dan f’seduta oħra.

Aħbarijiet Oħra
Annimali

F’park tal-annimali fl-Imtaħleb is-sidien Christopher Borg u Oksana qisha twieldet tarbija ġdida fil-park, din id-darba l-ewwel ferħ tal-koppja orsijiet Yoggi u Paddy. Yoggi li hija l-ors femminili u Paddy li…

Knisja Maltija

L-Arċisqof Charles J Scicluna qal li Malta għandha bżonn is-solidarjetà ta’ kulħadd. L-isqfijiet Maltin qed jattendu konferenza f’Bari dwar l-immigrazzjoni u l-paċi fil-mediterran. F’intervista qabel il-konferenza, l-Arċisqof Scicluna qal li…

Unjoni Ewropea

Il-ħruġ tar-Renju Unit mill-Unjoni Ewropea se jfisser mas-sittin biljun ewro inqas fil-Budget li jmiss tal-Unjoni Ewropea li jkopri s-seba’ snin li ġejjin. Il-President tal-Kunsill Ewropew, Charles Michel qed jipproponi li…

Politika

Il-Partit Nazzjonalista permezz tal-kelliem tiegħu Edwin Vassallo wera tħassib li fi kliemu għexieren ta’ bdiewa se jiġu żgumbrati mill-għelieqi tagħhom biex issir estensjoni tal-miżbla fil-Magħtab. Huwa qal dan wara l-avviż…

Aktar