Barranin
Jammetti li hu ħati għall-qtil ta’ 51 persuna fil-Moskea ta’ Christchurch fi New Zealand

Fi Christchurch New Zealand, raġel li s-sena li għaddiet qatel għadd ta’ nies f’attakk f’żewġ moskej, iddikjara li huwa ħati ta’ wieħed u ħamsin akkuża ta’ qtil.

Brenton Tarrant ta’ 29 sena ammetta wkoll li wettaq attentat ta’ qtil fuq erbghin persuna oħra. Dwar din l-akkuża, ir-raġel kien ċaħad li huwa ħati, u kien se jgħaddi ġuri f’Ġunju li ġej.

Wara l-attakk li wettaq dan ir-ragel fuq iż-żewġ moskej fi New Zealand għaddew liġijiet iktar stretti dwar l-użu tal-armi. Minkejja li New Zealand qiegħda f’lockdown minħabba l-coronavirus, is-seduta saret bi ftit nies preżenti fil-Qorti għolja ta’ Christchurch.