Kultura
Jappella biex il-Batterija tas-Salut tingħata d-dehra ta’ dari

Ritratti ta’ tmiem is-seklu 19 u l-bidu tas-seklu 20 juru kif kienet il-Batterija tas-Salut fil-Barrakka ta’ Fuq: fejn għal dawn l-aħħar 15-il sena kien hemm il-ħaxix iħaddar, qabel kien hemm it-‘terra battuta’ jew art iebsa.

Il-Kap Eżekuttiv tal-Fondazzjoni Wirt Artna Mario Farrugia qed jipproponi li s-Saluting Battery terġa’ ssir hekk. Proposta li jekk tiġi attwata taf tkun parti mis-soluzzjoni għall-ħsara li saret tul is-snin bl-ilma tat-tisqija li kien inixxi taħt l-art għal ġol-Lascaris War Rooms.

Ilma mal-art, ħitan imxarrba, riħa ta’ moffa. Hija din is-sitwazzjoni li tilqgħek x’ħin tidħol fil-mini u l-kmamar li hemm taħt il-Barrakka ta’ Fuq u li jinfdu fil-Lascaris War Rooms.

Il-Fondazzjoni Wirt Artna, li tieħu ħsieb dawn il-postijiet storiċi, qed tipprova tagħmel tajjeb għall-konsegwenzi ta’ deċiżjonijiet li ttieħdu snin ilu fosthom it-tqegħid ta’ tapit tal-ħaxix, direttament fuqhom fis-Saluting Battery, li sa ftit tax-xhur ilu kien qed iħaddar iżda kien joħloq problemi taħt l-art.

Mario Farrugia, Kap Eżekuttiv tal-Fondazzjoni, jghid li din il-problema kienet bicca ugiegh ta’ ras kbira ghalihom. ‘Dak ħadilna 4 snin biex insolvuh. L-ewwel ħaġa ridna nsibu soluzzjonijiet biex jieqaf u saru interventi biex waqaf, però kellna nistennew sentejn u nofs biex l-ilma jiskula fil-blat. Imma xorta għandna problema għax għadu qed jiġġenera l-moffa.”

Il-problema tal-ilma li jiskula qed taffettwa wkoll il-Kwartieri Ġenerali tal-Gwerra; il-War HQ – li jinsab ezatt taħt il-Ġnien tal-Barrakka. Konsegwenza ta’ dan il-kwartieri ma jistgħux jinfetħu għall-pubbliku b’detriment anki għad-dħul finanzjarju tal-Fondazzjoni.

Is-sur Farrugia tal-fehma li parti mit-tibdil għandu jinkludi l-introduzzjoni ta’ siġar fi qsari mdaqqsa biex l-ilma ma tirrepetix ruħha l-problema tal-ilma taħt l-art. “Hawnhekk jaghmel hafna sens li jkun hawn sigar peress li m’hawn dell xejn. U peress li l-kanuni jigbed mijiet jekk mhux eluf biex jarawhom, dawn jispiċċaw f’xemx tiżreġ.”

Mas-700 elf ruħ, il-biċċa l-kbira turisti, is-sena li għaddiet raw is-salut li jingħata kuljum f’nofsinhar permezz tal-kanuni. Il-Lascaris War Rooms waħdihom ġibdu 85,000 ruħ.

Aħbarijiet Oħra
Kultura

Aktar tard din is-sena partijiet minn Malta mistennija jerġgħu jintużaw għall-film blockbuster. Il-film ġdid ‘Jurassic World 3′ mistenni jinħareġ fis-swali taċ-ċinema f’Ġunju tas-sena d-dieħla. L-aħħar film minn din is-serje kellu…

Politika

Il-Ministru Owen Bonnici qal li bħala Ministru tal-Edukazzjoni se jaħdem, fost affarijiet oħra, biex jiġu indirizzati nuqqasijiet fis-sistema biex ħadd ma jaqa’ lura, u biex iżjed nies ikomplu jistudjaw, anke…

Politika

Waqt żjara fil-ħwienet fil-Belt Valletta, il-Prim Ministru Robert Abela intlaqa’ mill-pubbliku, is-sidien, u l-ħaddiema tal-istabillimenti fi Triq ir-Repubblika. Dr Abela qal li l-Gvern qiegħed u ser ikompli jwettaq il-wegħda tiegħu…

Lokali

Tħabbret il-mewt ta’ Terry Jones; storiku u artist, magħruf l-iktar għas-serje televiża Monty Python and the Flying Circus. Terry Jones miet ta’  77 sena, wara li għall-aħħar erba’ snin kien…

Aktar