Ambjent
Jappellaw li tittieħed azzjoni fuq strutturi tal-kaċċa fil-Miżieb

Il-koalizzjoni Spazji Miftuħa, li hija ffurmata minn 60 għaqda, qed tappella li tittieħed azzjoni fuq strutturi tal-kaċċa fil-Miżieb.

Il-koalizzjoni ħejjiet rapport li ppreżentat lill-Awtorità tal-Ippjanar u lill-Ministeru għall-Ambjent li fih elenkat strutturi użati għall-kaċċa li qalet li huma illegali.

Fi stqarrija l-koalizzjoni qalet li dan ir-rapport jorbot ma’ rapport simili li kien sar minn BirdLife Malta fl-2010, u li kien juri l-preżenza ta’ 256 minn dawn l-istrutturi, li qalet uħud minnhom għadhom eżistenti.

Żiedet li dan juri li m’għandhomx jingħataw drittijiet biex jitmexxa s-sit mill-istess lobby li fil-passat wettaq diversi illegalitajiet f’dan il-post.