Immigrazzjoni
Jappellaw lill-PM biex jirrilaxxa bastimenti ta’ għaqdiet mhux governattivi

Delegazzjoni ta’ tliet Ewro-Parlamentari appellaw lill-Prim Ministru Joseph Muscat biex jintervjeni personalment u jirrilaxxa bastimenti u ajruplani ta’ għaqdiet mhux governattivi li kien qed jagħmlu operazzjonijiet ta’ salvataġġ fil-Mediterran.  F’konferenza tal-aħbarijiet huma qalu li bblukkar tal-bastimenti fil-portijiet huwa illegali anke jekk fuq każ minnhom hemm proċeduri fil-Qorti.

F’ittra lill-Prim Ministru, l-Ewro Parlamentari mill-Kumitat tal-Libertaijiet Ċivili ħeggewh jirrilaxxa d-dgħajjes u ajruplani ta’ għaqdiet mhux governattivi li għal aktar min xahrejn qed jinżammu f’Malta u b’hekk ma jistgħux ikomplu bl-operazzjonijiet ta’ tiftix u salvataġġ fil-Mediterran.

F’konferenza tal-aħbarijiet f’Dar l-Ewropa, l-Ewro Parlamentari Martina Anderson, Jean Lambert u Peter Niedermuller qalu li f’Malta ltaqgħu mal-membri tal-ekwipaġġ tal-bastimenti Seawatch u Lifeline. Stqarrew li jħossu l-aġir tal-Gvern bħala illegali għaliex qalu li l-operazzjonijiet ta’ salvataġġ ma jistgħux jitqiesu bħala reati kriminali.

Martina Anderson qalet li filwaqt li l-kaptan tal-Lifeline qed jingħata ċ-ċans fil-Qorti jwieġeb l-akkużi dwar irregolaritajiet fir-reġistrazzjoni tal-vapur, l-ekwipaġġ tas-Seawatch m’għandux l-istess opportunità.

Il-MEP Martina Anderson qalet ”give clearance to Seawatch III and for Moonbird to leave, I think that they also need an acceleration of the process for Lifeline, and this is not about the validity of these boats or their registration but this is about saving lives and it is based on a common humanity.”

Anderson irrikonoxxiet li l-qagħda tas-sigurtà fil-Libja hi mwiergħa u għandu jsir dak kollu possibbli biex jitwaqqaf it-traffikar illegali tal-immigranti iżda saħqet li l-ħarsien ta’ ħajjet in-nies għandha tingħata priorità. L-Ewroparlamentari tennew li l-Parlament Ewropew hu favur li jinbidlu r-regoli ta’ Dublin biex ikun hemm qsim tar-responsabiltà għall-immgiranti li jaslu fil-pajjiżi Ewropej u ma jibqgħux bir-responsabbiltà tal-pajjiż fejn jiżbarkaw.

Aħbarijiet Oħra
Stejjer Umani

Tfajla ta’ 24 sena bil-kundizzjoni Bi-Polar qalet li minn ħajja solitarja u dipressiva, illum qed tgħix ħajja feliċi grazzi għal mara li qed tiddedika ħajjitha għal żgħażagħ b’diżabiltà. Fiona Ellul…

Lokali

Fis-sajf li ġej, grupp ta’ ċiklisti mil-LifeCycle ser jaqdfu elfejn kilometru fi tliet pajjiżi fl-Ażja biex ikomplu jinġabru fondi għar-riċerka fuq il-mard tal-kliewi u biex tkun iffinanzjata għajnuna psikoloġika għall-pazjenti…

Kultura

Fil-Mużew Marittimu fil-Birgu se jkun hemm esebizzjoni li tiċċelebra l-legat tal-esploratur marittimu, Jacques Cousteau, u l-konnessjoni tiegħu ma’ Malta permezz tal-vapur ‘Calypso’, li wara li baħħar bi vjaġġi bejn Malta…

Sport

Kumpanija Maltija li bbenefikat mill-programm nazzjonali ta’ Riċerka u Innovazzjoni, Fusion, bdiet tipproduċi sistemi ta’ dawl LED biex jintużaw f’kumplessi sportivi. F’kollaborazzjoni ma’ SportMalta, il-kumpanija Altern bdiet tinstalla sistema ta’…

Aktar