Barranin
Jaqblu dwar spirtu mġedded u kostruttiv biex jintlaħaq ftehim dwar Brexit

F’konferenza tal-aħbarijiet konġunta minn Pariġi, il-Prim Ministru tar-Renju Unit Boris Johnson u l-President Franċiż Emanuel Macron qablu dwar spirtu mġedded u kostruttiv biex jintlaħaq ftehim dwar Brexit.

Waqt t-taħditiet kruċjali bejn iż-żewġ mexxejja, il-President Franċiż Macron qal li l-vot tar-Renju Unit biex titlaq mill-Unjoni Ewropea għandu jkun rispettat, iżda daqstant ieħor għandu jkun onorat il-ftehim maqbul mal-predeċessur ta’ Johnson, Theresa May, dwar il-futur tar-relazzjonijiet bejn l-Unjoni Ewropea u r-Renju Unit wara Brexit.

Qal li l-ftehim li se jirregola l-kummerċ u l-moviment ħieles bejn il-fruntieri tar-Repubblika tal-Irlanda mal-Irlanda ta’ Fuq huwa indispensabbli għall-istabbiltà politika.

Bil-ftehim kif innegozjat, ir-Renju Unit ma tistax tinqata’ kompletament mis-suq Ewropew kif qed tesiġi u se jkollha tonora wħud mir-regolamenti tal-Unjoni Ewopea dwar il-liġijiet tal-kompetizzjoni sakemm jintlaħaq ftehim separat dwar il-kummerċ.

Johnson qed jopponi dan il-ftehim u qal li r-Renju Unit se jkollha titlaq mill-Unjoni Ewropea mingħajr ftehim. Il-Prim Ministru Ingliż madankollu enfasizza li bl-enerġija u l-kreattività tista’ tinstab it-triq ‘il quddiem.

Il-Kanċillier Ġermaniż, Angela Merkel nhar l-Erbgħa tefgħet il-ballun f’ħoġor ir-Renju Unit u qalet li għandha tkun hi li tfassal u timplimenta pjan li jista’ jkun fattibbli. Minkejja li l-Unjoni Ewropea ripetutament saħqet li l-ftehim ma jistax jerġa’ jkun innegozjat, uriet li tinsab disposta biex ittejjeb il-ftehim.

Aħbarijiet Oħra
COVID-19

In-numru ta’ Amerikani bla xogħol reġa’ żdied għal numri rekord, għat-tieni ġimgħa konsekuttiva. Iktar minn 6.6 miljun persuna marru jirreġistraw għax-xogħol sat-28 ta’ Marzu, qal id-Dipartiment tax-Xogħol, iktar mid-doppju tal-ġimgħa…

Barranin

Fir-Renju Unit, qabżu l-2,900 l-mejta, hekk kif fl-aħħar 24 siegħa mietu 569. L-uffiċjali tas-saħħa qalu li huma frustrati bis-sitwazzjoni prekarja. Aktar minn nofs l-Ingliżi jemmnu li l-gvern tal-Prim Ministru Boris…

Unjoni Ewropea

L-Unjoni Ewropea ħabbret pjan ta’ protezzjoni għall-impjiegi u l-ħaddiema affettwati mill-pandemija. Il-President tal-Kummissjoni Ursula von der Leyen qalet li se tingħata għajnuna finanzjarja lill-istati membri li tammonta għal mitt biljun…

Barranin

L-istatistika tal-qgħad fl-Istati Uniti qed turi li f’ġimgħa waħda kien hemm 6.65 miljun persuna jirreġistraw għax-xogħol. Dan in-numru rdoppja minn ġimgħa ilu, fejn kien hemm 3.3 miljun jirreġistraw għall-benefiċċji tal-qgħad….

Aktar