Barranin
ARA: Waqqaf it-titjiriet wara li saq għal fuq ir-runway f’Lyon

It-titjiriet mill-ajruport ta’ Lyon, fi Franza, jinsabu wieqfa sas-6.00 tal-lejla, hekk kif raġel li kien qed jiġi segwit mill-Pulizija saq għal fuq ir-runway.

Fil-filmat li ttella’ fuq il-midja soċjali l-karozza tidher qed tinstaq b’veloċità qawwija għal fuq ir-runway, fejn f’mument minnhom tkun ukoll se tinqaleb.

Il-karozza tidher taħbat ma’ xi oġġetti qabel ma tieqaf, bis-sewwieq joħroġ minnha u jipprova jaħrab bil-pass. Għadd kbir ta’ pulizija b’diversi vetturi jidhru jiġru warajh sakemm qabduh.

Lyon huwa r-raba l-iktar ajruport bieżel fi Franza, minn fejn jitilqu ħafna mit-titjiriet tal-EasyJet u l-Air France. It-titjiriet li diġà jinsbu fl-ajru fi triqthom lejn Lyon qed jintalbu jinżlu f’Geneva, Grenoble, Marseille jew Nice, filwaqt li dawk li kellhom jitilqu minn Lyon ġew ikkanċellati.

Aħbarijiet Oħra
Immigrazzjoni

Tkompli tiżviluppa l-kwistjoni tal-immigranti abbord il-vapur Open Arms. Fl-aħħar sigħat tniżżlu Lampedusa s-27 immigrant taħt l-età wara li l-Ministru tal-Intern Taljan Matteo Salvini ta l-approvazzjoni li dawn jiddaħħlu l-Italja. Iżjed…

Barranin

Uffiċjal tas-sigurtà f’ajruport fi New York tkeċċiet mix-xogħol wara li tat nota lil passiġġier li fiha kien hemm miktub “Int ikrah”. Il-każ li seħħ f’Ġunju fi Greater Rochester International Airport. Il-filmat,…

Barranin

Raġel li raqad fuq saqqu li jintefaħ sab ruħu għadd ta’ kilometri ‘l bogħod fl-Istrett ta’ Messina, il-fliegu ta’ bejn l-Italja u Sqallija. Wara tfittxija ta’ disa’ sigħat, ir-raġel minn Reggio…

Barranin

Tkompli għaddejja l-kontroversja dwar il-vapur taż-żejt Iranjan li kien ilu miżmum minn Ġibiltà minn Lulju minħabba suspetti li kien qed iġorr iż-żejt lejn is-Sirja. Il-vapur issa telaq minn Ġibiltà minkejja…

Aktar