Barranin
Jarrestaw il-Kaptan tas-Sea Watch 3 fil-port ta’ Lampedusa

Carola Rackete, il-Kaptan tas-Sea Watch 3, ġiet arrestata fil-port ta’ Lampedusa.

Abbord il-bastiment kien hemm mat-53 immigrant li kienu ilhom ġimagħtejn jistennew biex jidħlu fl-aktar port sigur.

Il-Ministru tal-Intern, Matteo Salvini rrifjuta li jdaħħal il-bastiment f’port Taljan wara li qal li, l-operazzjoni kollha kienet illegali filwaqt li kellhom ikunu l-Ġermanja jew l-Olanda li jilqgħu l-immigranti la l-Kaptan hija ta’ nazzjonalità Ġermaniża u l-bastiment itajjar bandiera Olandiża.

Il-Kaptan iddeċidiet li tidħol fil-port mingħajr permess wara battibekki li damu ġimagħtejn. Hija qalet fi stqarrija li ħajjet il-persuni m’għandhom qatt jintużaw bħala ballun politiku.

Waqt is-Summit tal-G20, il-Prim Ministru Taljan, Giuseppe Conte, qal li bosta pajjiżi Ewropej ftehemu li se jilqgħu bejniethom l-immigranti abbord is-Sea Watch 3.

Intant, għadu mhux magħruf kif l-awtoritajiet Taljani se jimxu mal-immigranti sakemm dawn jiġu rilokati f’pajjiżi oħra Ewropej mentri l-Kaptan Rackete jaf tlaqqat 10 snin priġunerija.

Ara wkoll:

Qal li jkun kuntent meta l-bastiment jiġi ssekwestrat u l-ekwipaġġ arrestat

Aħbarijiet Oħra
Barranin

Zippy miet eroj hekk kif irnexxielu jsalva lil familtu minn ħalq il-mewt. Il-familja Butler jgħixu f’Bradeton, fi Florida meta lejl minnhom, waqt li kienu rieqdin, tħeġġeġ in-nar fir-residenza tagħhom. Minkejja…

Barranin

Il-passiġġieri abbord titjira tad-Delta twerwru wara li l-ajruplan li kienu qed jivvjaġġaw fuqu qabad u niżel mad-9,000 metru ‘l isfel f’daqqa. It-titjira, li telqet minn Atlanta, esperjenzat dak li jissejjaħ…

Kurżitajiet

Fir-riżerva naturali tal-Maasai Mara tfaċċat żebra rari….flok bi strixxi bojod u suwed….b’tikek bojod fuq sfond iswed.   Il-ferħ ta’ żebra skantat lil bosta bid-dehra tagħha u ngħatat l-isem ta’ Tira,…

Barranin

Fl-Eġittu, mijiet ta’ dimostranti nġabru fi Pjazza Tahrir fil-Kajr, fl-ewwel protesti mindu laħaq il-President Abdul Fattah al-Sisi fl-2014 wara r-rivoluzzjoni Eġizzjana tliet snin qabel. Il-forzi tal-ordni tefgħu gass tad-dmugħ biex…

Aktar