Lokali
ARA: Jarrestawh wara li spara minn fuq il-bejt waqt argument mal-ġirien f’Ħal Għaxaq

Il-Pulizija arrestat raġel ta’ 42 sena minn Ħal Għaxaq li spara tiri b’senter minn fuq il-bejt tad-dar tiegħu wara li allegatament kellu argument mal-ġirien.

Il-każ seħħ għall-ħabta tas-1.30 ta’ waranofsinhar fi Sqaq numru 4, li jinsab fi Triq Santa Marija, biswit il-Knisja ta’ Ħal Għaxaq. Hu mifhum li ħadd ma weġġa’.

tvm.com.mt infurmat li r-raġel kellu xi jgħid ma’ żewġ ġirien li qed jagħmlu xogħlijiet ta’ kostruzzjoni fid-dar. Waqt l-argument huwa tela’ fuq il-bejt tad-dar tiegħu u beda jispara b’senter tal-kaċċa.

Fil-filmat jidher ir-raġel jinħareġ taħt arrest, kif ukoll il-Pulizija ħerġin mir-residenza bis-senter.

Preżenti wkoll fuq il-post kien hemm omm ir-raġel, li kellha xokk fuqha u dehret emozzjonata, filwaqt li ppruvat tgħannaq lil binha.

Aħbarijiet Oħra
Lokali

Ingħalaq għalkollox is-sub post office tal-Maltapost fi Triq Ċensu Busuttil fl-Iklin. Dan ħabbitu l-kumpanija Maltapost, li fi stqarrija qalet li l-klijenti li kienu jinqedew mill-Iklin issa jridu jmorru fin-Naxxar. L-uffiċċju…

Lokali

Il-Partit Laburista qal li dd-deputat tal-Partit Nazzjonalista, Karol Aquilina, b’għemilu wera li ma jafx x’inhi governanza tajba. Fi stqarrija l-PL irrefera għall-mistoqsija parlamentari mwieġba lbieraħ, li qal uriet li fil-jum…

Lokali

Bejn Ġunju u Diċembru tal-2017, Transport Malta ħarġet total ta’ €144,475 f’multi li jikkoncernaw il-puntwalità u affidabilità lill-operatur tat-trasport pubbliku. Dan ħareġ wara li l-Ministru għat-Trasport Ian Borg wieġeb mistoqsija…

Lokali

65 persuna fil-Faċilità Korrettiva ta’ Kordin gawdew mis-sistema tal-parole fl-aħħar tliet snin. Dan intqal mill-Ministru għall-Intern u Sigurtà Nazzjonali Michael Farrugia għall-mistoqsija tad-deputat Nazzjonalista Chris Said. Il-Ministru Farrugia qal illi…

Aktar