Barranin
Jattakka lil Arnold Schwarzenegger waqt li kien qed jiltaqa’ mas-segwaċi tiegħu

Filmat li nxtered fuq l-internet juri lil Arnold Schwarzenegger jiġi attakkat minn persuna waqt attività fl-Afrika t’Isfel.

Ilbieraħ l-attur, bodybuilder u politiku ta’ 71 sena kien qed jiltaqa’ mas-segwaċi tiegħu waqt li kienet għaddejja kompetizzjoni tal-qbiż. Ħin minnhom raġel tah “drop-kick” minn wara. Fuq il-filmat Schwarzenegger jidher jimxi ‘l quddiem u fuq Twitter kiteb li ma ntebaħx li ġie attakkat u rrealizza meta ra l-filmat.

Minnufih is-sigurtà ta’ Schwarzenegger żammet lil din il-persuna u aktar tard ġie arrestat.

Schwarzenegger irringrazzja lis-segwaċi tiegħu fuq Twitter u kiteb li m’għandhomx għalfejn jinkwetaw. Appella biex il-pubbliku ma jiffokax fuq l-inċident iżda fuq l-atleti. Kiteb li fl-Afrika t’Isfel hemm 90 dixxiplina ta’ sport differenti u hemm mal-24,000 atleta.

Aħbarijiet Oħra
Barranin

F’għeluq ix-xahrejn min-nirien fil-katidral ikoniku tan-Notre Dame f’Pariġi, illejla ġiet iċċelebrata quddiesa għal udjenza limitata li għaliha ttieħdu wkoll għadd ta’ prekawzjonijiet ta’ sigurtà. Fil-Katidral ta’ Notre Dame f’Pariġi ċċelebrata…

Barranin

Tħabbret il-mewt tad-Direttur tal-films Taljan, Franco Zeffirelli. Zeffirelli miet fl-età ta’ 96 sena fir-residenza tiegħu f’Ruma, wara li ħakmitu marda. Huwa kien magħruf għal bosta produzzjonijiet fosthom l-aktar wieħed ċelebri,  dak…

Barranin

Adélio Bispo de Oliveira, li ġie mixli li nifed lill-President Brażiljan, inħeles mill-arrest wara li l-Qorti sabet li ma kienx konxju ta’ għemilu. Il-Qorti qalet li l-liġi Brażiljana ma tistax…

Barranin

It-tarbija li nsterqet minn ġuf ommha f’Chicago mietet wara li kienet ilha 8 ġimgħat fil-kura intensiva. Marlen Ochoa-Lopez, it-tfajla ta’ 19-il sena, kienet sfat vittma ta’ xi persuni f’Chicago wara…

Aktar