Mużika
Jegħleb l-isfida tat-temtim u jkanta waqt The X Factor

F’The X Factor – prodott ta’ Syco bi produzzjoni ta’ Mint Media li jibda jixxandar fuq TVM wara dan il-bulettin tal-aħbarijiet, it-telespettaturi mhux se japprezzaw biss it-talent tal-parteċipanti imma anke l-isfidi li għelbu u għadhom qed jippruvaw jegħlbu biex iwettqu l-ħolm tagħhom. TVM iltaqa’ ma’ Norbert Bondin li ma jiddejjaqx jitkellem dwar impediment li għandu fil-vuċi, li iżda ma jaffettwahx meta jkun qed ikanta.

Fid-dinja hu stmat li hawn mas-70,000,000 persuna li jbatu mill-kundizzjoni tat-temtim li f’20% tal-każi tibqa’ tippersisti meta wieħed isir adult kif spjegalna Norbert Bondin li għandu 25 sena u qatta’ bosta snin jgħix ir-Renju Unit.

Norbert Bondin qal “it started to when I was about 12, it’s been almost part of my whole life now but it would not stop me in achieving my dream of singing and in any goal in life”.

Kif iltqajna ma’ Norbert qalilna li sa mit-tfulija għadda minn bosta esperjenzi fejn ġie umiljat jew vittma tal-bullying sempliċiment għax ma setax jegħleb l-impediment fil-mod kif jitkellem.

Norbert Bondin qal “we are not knowledgeable about this so I would love to bring awareness that there are people who have a speech impairment and obviously other things”

Norbert hu wieħed mill-parteċipanti ta’ The X Factor li hu liċenzjat minn Freemantle Media.

Qalilna li għalih it-temtim hi kundizzjoni li tgħallem jaċċetta u jgħix biha mingħajr ma waqqaf il-passjoni kbira għall-kant.

Norbert Bondin qal “it’s totally different so when we speak we use a different part of the brain and when we sing we use a different part of it so it’s extraordinary for me as well that when I sing it’s just vanishes away so that’s why singing is something that I really love”.

Aħbarijiet Oħra
Lokali

Il-Kummissjoni Elettorali fi stqarrija qalet li b’effett immedjat, il-votanti li ntilfilhom, tqattgħalhom jew ġratilhom ħsara sostanzjali fid-dokument għall-votazzjoni wara li rċevewh jistgħu japplikaw għal dokument għall-votazzjoni speċjali. Dan japplika wkoll…

Qorti

Alessio Minelli, Taljan ta’ 27 sena, instab ħati li agredixxa u weġġa’ gravi lil Ryan Sacco, pulizija li dak il-ħin kien ‘off-duty’. Il-każ seħħ fis-sigħat bikrin tas-6 ta’ Lulju 2017…

Kurżitajiet

Fl-istadium ta’ Ramón Sánchez Pizjuán f’Sevilla, tfaċċat il-bandiera Maltija fost il-partitarji li marru jsegwu logħba football tas-Sevilla kontra r-Rayo Vallecano. Jidher li fost il-partitjari, kien hemm Malti kburi b’pajjiżu u…

Edukazzjoni

Sittin tifel u tifla mill-iskejjel primarji tal-istat ta’ Malta u Għawdex ħadu sehem f’attività tal-Brillantini tal-Kitba li l-Aġenzija Nazzjonali tal-Litteriżmu organizzat f’Ruma. Permezz tal-iskema ‘Brillantini tal-Kitba’, tfal ta’ disa’ snin,…

Aktar