Qorti
Jeħel 15-il xahar ħabs wara li baqa’ jagħti fastidju lill-eks sieħba

Raġel weħel 15-il xahar ħabs wara li ammetta li baqa’ jagħti fastidju lill-eks sieħba tiegħu, anki wara li l-Qorti ordnatlu biex ma jersaqx lejha.

Clifford Gatt Baldacchino ta’ 31 sena, li huwa eks futboler tat-tim nazzjonali Malti, kien akkużat li wettaq dawn ir-reati fit-28 t’Awwissu li għadda, meta uża apparat elettroniku biex ibeżża’ u jdejjaq lill-eks sieħba.

Dan għamlu f’inqas minn sitt ijiem wara li kien ingħata sentenza sospiża mill-Qorti u kien ordnat ma jersaqx lejn din il-mara.

Dan il-fatt kien ikkunsidrat mill-Qorti fid-deċiżjoni tagħha. Il-Qorti, ippreseduta mill-Maġistrat Ian Farrugia, ikkunsidrat ukoll li r-reat huwa serju u jaqa’ fil-paramteri tal-liġi dwar il-vjolenza domestika.

Gatt Baldacchino kien għalhekk ikkundannat disa’ xhur ħabs u mmultat €1,000, waqt li s-sentenza sospiża li ngħata x-xahar li għadda nbidlitlu f’sitt xhur ħabs. Huwa kien ordnat ukoll ma jersaqx lejn l-eks sieħba tiegħu għal ħames snin.

Aħbarijiet Oħra
Politika

Il-Kap tal-Partit Nazzjonalista, Adrian Delia, allega li l-Prim Minsitru ta lill-eks Kummissarju tal-Pulizija, Lawrence Cutajar, kuntratt ta’ konsulenza biex ikkonvinċieh jitlaq minn Kummissarju. F’diskors il-lejla f’Ta’ Sannat, Dr Delia saħaq…

Saħħa

Il-coronavirus daħal fl-Ewropa. L-ewwel tliet każi kienu konfermati fi Franza, b’żewġ pazjenti jinsabu fi sptar f’Pariġi u ieħor fil-belt ta’ Bordeaux. Tnejn mill-pazjenti jiġu minn xulxin. Il-virologu, Christopher Barbara, li…

Lokali

Minn hawn u xahrejn oħra, se tibda tiġġenera l-elettriku l-ikbar solar farm f’Malta. B’daqs ta’ 90 tomna, is-solar farm privata, li tinsab fil-limiti tal-Imġarr, tesa’ madwar 17,000 pannella tax-xemx. Fl-istess waqt,…

Aktar