Lokali
Jeħtieġ karozzi li jniġġsu inqas għal arja iktar nadifa – Miriam Dalli

L-Ewroparlamentari Laburista Miriam Dalli qed tipproponi li sal-2030 għandhom joqsu b’50% l-gassijiet li jniġġsu l-arja mill-karozzi.  Din hija waħda mill-proposti li ressqet illum Dr Dalli bħala rapporteur tal-Kumitat tal-Parlament Ewropew għall-Ambjent, is-Saħħa Pubblika u s-Sigurtà tat-Toroq.

L-MEP qalet li jekk jonqsu bin-nofs il-gassijiet tossiċi (CO2) li joħorġu mill-karozzi sa 32 sena oħra, l-Unjoni Ewropea tkun qed toqrob lejn il-miri f’da ir-rigward, li huma ntiżi li jtejbu l-kwalità tal-arja għaċ-ċittadini Ewropej fl-istess waqt li l-kumpaniji li jimmanifatturaw il-karozzi jibqgħu kompetittivi u innovattivi f’suq kemmxejn dinamiku.

Hija qalet li l-Unjoni Ewropea għandha għażla ċara, li jew toqgħod tkaxkar saqajha jew inkella tibda tindirizza bis-serjetà din il-kwistjoni.  It-trasport huwa l-ikbar sors ta’ tniġġiż fl-arja fl-Unjoni Ewropea, b’27% tal-ħruġ ta’ gassijiet tossiċi ġej mill-vetturi.

F’Novembru tas-sena li għaddiet, il-Kummissjoni Ewropea ipproponiet sensiela ta’ regolamenti biex jonqos it-tniġġis fl-arja mill-vetturi biex il-pajjiżi tal-UE jilħqu l-miri tal-bidla fil-klima għall-2030.

Id-diskussjoni fil-Parlament Ewropew u fl-istituzzjonijiet l-oħrajn Ewropej mistennija jkomplu fix-xhur li ġejjin biex finalment titfassal liġi f’dan ir-rigward.

Aħbarijiet Oħra
Ambjent

Ġie ffirmat ftehim bejn il-Gvern u l-Birdlife Malta dwar l-amministrazzjoni tas-Salini tal-Melħ fis-Salina. Bi ftehim mal-Gvern, il-Birdlife ser tmexxi dan is-sit li huwa l-ikbar riżerva naturali f’Malta. Is-Salini tal-Melħ fis-Salina,…

Agrikultura

Il-ġbejniet tradizzjonali Maltin mistennija jkunu aktar abbundanti b’tibdil fil-liġi li ser tippermetti raħħala żgħar kważi jirduppjaw il-produzzjoni tagħhom. Madankollu dal-pass xejn mhu jogħġob lir-raħħala u produtturi l-kbar li kienu obbligati…

NGOs

Qabel kiseb suċċess fil-karriera mużikali bħala tenur, Cliff Zammit Stevens għadda minn esperjenzi qarsa, b’ommu ssofri quddiemu vjolenza fiżika kontinwa fir-relazzjonijiet tagħha. Disa’ xhur wara mewtha, Cliff irrakkonta l-ġrajjiet koroh…

Kronaka

Raġel ta’ 41 sena weġġa’ gravi wara li ħabat bil-mutur fil-Fgura. L-inċident seħħ għall-ħabta tas-2.00 ta’ waranofsinhar fi Triq San Tumas. Il-Pulizija qalet li mill-ewwel tagħrif jirriżulta li seħħet ħabta…

Aktar