Annimali
“Jekk in-nies ikunu responsabbli l-gwaj tal-fkieren jista’ jiġi skansat” – Nature Trust

Il-fkieren qed jispiċċaw massakrati bil-ħmieġ speċjalment tal-plastik fil-baħar. In-Nature Trust, li għandha programm biex idewwi u meta possibbli ssalva l-fkieren tgħid li ħafna mill-gwaj tal-fkieren jista’ jiġi skansat jekk in-nies ikunu responsabbli. Il-President ta’ Nature Trust, Vince Attard qal li l-iskart li qed jispiċċa fl-ibħra qiegħed jiżdied b’detriment għal fkieren li huma importanti ħafna fl-eko sistema.

Vince Attard qal “qed naraw żieda kbira pereżempju f’każi fejn fkieren qed jiġu l-art mhux għax ikunu feruti jew b’xi sunnara jew għax qalgħu xi daqqa ta’ dgħajsa, imma ħafna drabi jkunu belgħu plastik li jispiċċa fl-istonku. Kellna każ ta’ tliet ifkieren li tilfu anke l-flipper minħabba li anke tgħaqqdu fil-plastik u nqatagħlhom iċ-ċirkulazzjoni u oħra partikolari li kienet leather back turtle li hija iktar waħda rari li mietet propja għax kellha 4 boroż tal-plastik li ma setgħetx tiekol.”

Is-sur Attard appella lil pubbliku fix-xtut u lis-sidien ta’ dgħajjes jiddisponu mill-iskart b’mod responsabbli.

“Qed naraw anke każi ta’ garbage bags jifflowtjaw fil-baħar u nagħmlu appell anke lin-nies li għandhom dgħajsa biex ma jarmux l-iskart dritt fil-baħar għax dawn eventwalment se jibilgħuhom ħlejjaq oħra u jistgħu jispiċċaw fil-platt tagħna” qal is-sur Attard.

Nature Trust appellat ukoll lill-awtoritajiet biex iħaffu jdaħħlu l-projbizzjoni tal-plastik li jintuża darba biss. Is-sur Attard saħaq li dan it-tip ta’ plastik huwa l-iktar li jagħmel ħsara fl-ambjent għax jintuża darba u jintrema.

Aħbarijiet Oħra
Stejjer Umani

F’aktar minn ħamsin sena, l-Għaqda Alkoħoliċi Anonimi għenet mijiet ta’ persuni bi problema ta’ xorb żejjed, u ħafna drabi anke lill-qraba tagħhom permezz tal-AL-ANON. TVM tkellem ma’ raġel li 27…

Infrastruttura

Għaddejin l-aħħar tħejjijiet għat-tlestija ta’ Triq Ħal Luqa, li hija l-arterja ewlenija bejn Santa Luċija u Ħal Luqa. Bejn it-Tlieta filgħodu u l-Erbgħa waranofsinhar, it-triq se tingħalaq f’direzzjoni waħda sakemm…

Trasport

Matul l-aħħar snin, Transport Malta flimkien mal-Ministeru tat-Trasport nedew diversi skemi fuq ix-xiri ta’ mezzi tat-trasport biex jonqos it-tniġġis tal-arja. Tnejn mill-iskemi li qed jagħtu riżultati huma għax-xiri tal-karozzi elettriċi…

Aktar