Lokali
Jekk taħdem mal-Forzi tal-Ordni u tkorri fuq xogħol se tingħata kumpens

L-uffiċjali tal-Forzi tal-Ordni u tad-Dwana se jkunu koperti b’assikurazzjoni jekk iweġġgħu serjament waqt il-qadi ta’ dmirijiethom.

Waqt li ħabbru l-iskema, il-Ministri Michael Farrugia u Edward Scicluna qalu li l-kumpens jiġi stabbilit skont il-gravità tal-inċident u l-massimu li jista’ jingħata mill-Gvern se jkun ta’ €180,000.

Mill-1 ta’ Mejju ġej, il-korpi dixxiplinati fosthom il-pulizija, is-suldati, l-uffiċjali tad-Dipartiment tal-Protezzjoni Ċivili, tal-Faċilità Korrettiva ta’ Kordin u tad-Dwana, se jkunu koperti b’assikurazzjoni tal-Gvern f’każ li jkorru serjament jew imutu waqt il-qadi ta’ dmirijiethom.

Fil-konferenza tal-aħbarijiet, il-Ministri Michael Farrugia u Edward Scicluna qalu li b’hekk qed titwettaq wegħda oħra elettorali. Il-Ministru  Farrugia, stqarr li l-inċident tas-Surġent Simon Schembri serva ta’ katalist biex din l-assigurazzjoni issir kemm jista’ jkun malajr.

”Konna ddeċidejna li nwessgħu anke l-membri tal-korpi dixxiplinati li jistgħu jgawdu minn din l-iskema ta’ diżabilità permamenti jew inkella allaħares qatt xi membru jmut riżultat ta’ xogħlu. Il-każ ta’ Simon Schembri kompla jixrpuna biex ngħaġġlu aktar u deher b’mod ċar il-bżonn li nikkonkludu u attwalment illum qed nagħmlu storja oħra tal-korpi dixxiplinati.”

Il-Ministru Edward Scicluna, spjega li l-Gvern għandu r-riżorsi finanzjarji biex jagħmel tajjeb għal dawn iċ-ċirkustanzi mingħajr il-bżonn li jittieħdu passi bill-qorti għal kumpens.

”Din għamilnieha fuq il-mudell li tagħti l-industrija li tagħti bejn wieħed u ieħor 3/4 darbiet is-salarju ta’ dak li jkun f’każ ta’ mewt. Hemm massimu għax jiddependi mis-salarju ta’ dak li jkun ta’ €180,000.”

Fil-jiem li ġejjin se jsiru laqgħat mal-impjegati fil-forzi tal-ordni biex l-iskema tkun spjegata aktar fid-dettall.

 

Aħbarijiet Oħra
Budget

B’reazzjoni għad-diskors tal-Prim Ministru fil-Parlament, il-Kap tal-Oppożizzjoni Adrian Delia qal li Joseph Muscat ma’ wieġeb xejn fuq is-sitwazzjoni tal-għalliema, tal-middle class, tal-popolazzjoni tiżdied, fuq il-problemi tal-banek u fis-settur tal-gaming. Fuq…

Ambjent

Il-Ministru għall-Ambjent, Jose Herrera, waqt li rtira l-emenda oriġinali tal-Gvern għall-mozzjoni tal-Oppożizzjoni, ressaq emenda ġdida li permezz tagħha l-Parlament Malti iddikjara emerġenza fil-klima, bil-Kumitat Parlamentari tal-Ambjent u Ippjanar tal-Iżvilpp jinbidel…

Budget

Il-Prim Ministru Joseph Muscat ħabbar li l-Gvern xtara Villa G’Mangia fejn kienet tgħix ir-Reġina biex fiha isir proġett turistiku. Waqt li wieġeb għall-kritika tal-Kap tal-Oppożizzjoni għall-baġit, Dr Muscat żvela li…

Immigrazzjoni

Il-President Emeritu, Marie Louise Coleiro Preca, qalet li s-soċjetà Maltija għandha tagħmel dak kollu possibbli biex toħnoq id-diskors ta’ mibegħda. Hija kienet qed titkellem fid-dawl ta’ rapport minn The Times…

Aktar