Kurżitajiet
Jekk tiekol iċ-ċikkulata hemm ċans li jitilgħu iktar ponot fil-wiċċ?

Din hija mistoqsija li ssir lil ħafna speċjalisti tal-ġilda.  Saru diversi studji b’uħud jgħidu li veru u oħrajn juru li m’hemmx relazzjoni bejn iċ-ċikkulata u l-ponot.

Ikel rikk fil-karboidrati u z-zokkar, fosthom is-soft drinks, il-ħobż proċessat u l-boroż, huma ħżiena għall-ġilda li hija suxxettibbli għall-ponot.

Ċerti studji wrew kif tfal li jieklu l-ħelu u ċ-ċikkulata għandhom inqas ċans li jkollhom il-ponot minn dawk li jieklu l-junk food.  Oħrajn juru li dawk li jieklu ċikkulata magħmula mill-ħalib huma suxxettibbli iktar għall-ponot.

Madanakollu, l-ispeċjalisti huma tal-fehma li l-affarijiet huma iktar kumplikati minn hekk għax hemm taħlita ta’ fatturi li jistgħu jikkontribwixxu għall-ponot.

Filwaqt li qed isiru u se jibqgħu jsiru iktar studji, l-esperti jgħidu li l-aħjar li tkun taf il-ġilda kif tirreaġixxi għaċ-ċikkulata.  Jekk tinduna li meta tiekol iċ-ċikkulata jiżdiedu l-ponot, l-aħjar li tevita jew tnaqqasha.

Il-moderazzjoni hija l-aħjar mezz biex tevita riperkussjonijiet ta’ din ix-xorta, xi ħaġa li tingħad mill-esperti f’kull tip ta’ ikel li jittiekel, mhux għad-dehra biss iżda wkoll għal saħħet il-bniedem.

Aħbarijiet Oħra
Barranin

Tifla ta’ 11-il sena li tbati bl-awtiżmu għaddiet minn xi jiem iebsin wara li serqulha l-kelb. Lottie, kelba tar-razza Dalmatian nsterqet mid-dar tagħha fl-Ingilterra fil-bidu tax-xahar.  Il-kelba ta’ tliet snin hija…

Barranin

Ir-residenti tal-Aquila mill-ġdid għexu l-biża’ li ġabet magħha t-traġedja ta’ 10 snin ilu meta l-belt intlaqtet minn terremot qawwi li ħalla mijiet mejta u ħafna oħrajn mingħajr saqaf fuq rashom….

Barranin

Aktar minn 40 persuna mietu wara li tħeġġeġ nar qawwi f’fabbrika fil-kapitali Indjana, Delhi. In-nar feġġ f’binja ta’ 60 sular fejn għadd ta’ ħaddiema kienu rieqdin fil-fabbrika li kienet tipproduċi…

Aktar