Brexit
Jemmen li l-vot fil-Parlament Ingliż ilbieraħ kien rifjut assolut tal-ftehim Brexit

Id-direttur tal-istitut għall-istudji Ewropej fl-Universita ta’ Malta, Mark Harwood, qal li dak li ġara fil-House of Commons kien rifjut assolut tal-ftehim. Dr Harwood qal li fost il-possibiltajiet hemm li r-Renju Unit joħroġ mill-Unjoni Ewropea mingħajr ftehim u jibda jitqies bħala pajjiż terz.

“L-affarijiet li rranġaw s’issa, inkluż li jridu jħallsu ammont ta’ flus lill-UE biex joħorġu, dak kollox jaqa’ u jitilqu mingħajr ftehim ta’ xejn. Jispiċċa li minħabba li l-Ingliżi huma membri tal-World Trade Organisation, jergħu jaqgħu fuq l-arragamenti tal-WTO. Jerġa’ jkun hemm dwana.”

Huwa jemmen li l-Prim Ministru May se titlob estensjoni, billi fadal biss 70 jum għall-ħrug tar-Renju Unit. Dwar l-idea li jsir referendum ieħor, Dr Harwood jemmen li Brexit b’mod jew b’ieħor se jseħħ.

“Jekk Theresa May ma jirnexxiliex tmur Brussell u jkollha ftehim ġdid, speċjalment fuq backstop, naħseb ħa jkollhom iwaqqfu Brexit. Mhux biex ma jsirx, imma biex ikollhom iktar ħin biex jinnegozjaw, u naħseb li iktar hemm ċans li jispiċċa elezzjoni għax il-partiti kollha mhux favur l-idea ta referendum.”

Waqt li l-idea ta’ estensjoni tidher li l-aktar qed tattira interess, ir-rappreżentant tal-Kummissjoni Ewropea f’Malta Dr Helena Grech, ma taħsibx li dan għandu isir. “Billi l-UE diġa qed jgħidulha li huwa impossibli li jkun hemm xi ħaġa aħjar milli diġà hemm, ma nafx kemm jagħmel sens li titlob dan it-tul ta’ żmien.”

Dr Grech qalet li n-nuqqas ta’ ftehim ipoġġi ħafna mistoqsijiet dwar x’se jiġri miċ-ċittadini Brittaniċi f’pajjiżi Ewropej u mill-Ewropej fir-Renju Unit. Uriet tħassib li l-kwistjoni ser ikollha effett fuq l-elezzjonijiet tal-Parlament Ewropew. “Hemm partiti li qed jużaw Brexit biex jagħmlu t-talbiet tagħhom. Jekk ir-Renju Unit ma jkunx ħareġ sas-26 ta’ Mejju jkollhom jieħdu sehem fl-elezzjonijiet Ewropej ukoll.”

Hija fakkret li skont il-Qorti Ewropea tal-Ġustizzja, il-Brexit tista’ tiġi rtirata mir-Renju Unit, iżda dan ipoġġi dell ikrah fuq il-prinċipji tad-demokrazija, għax il-Gvern ikun qed imur kontra r-rieda tal-elettorat.

Aħbarijiet Oħra
Kronaka

Mara ta’ 80 sena residenti Ħal Qormi,weġġgħet gravi wara li ntlaqtet minn vettura. L-inċident seħħ għall-ħabta tat-8.30am fi Triq Pinto, Ħal Qormi. Il-Pulizija tad-Distrett marret minnufih fuq il-post, fejn minn…

COVID-19

Għal darb’oħra, fl-aħħar 24 siegħa ma ħareġ l-ebda każ ġdid ta’ Coronavirus f’Malta. Dan ġie kkonfermat mill-Ministeru għas-Saħħa fejn intqal ukoll li fl-aħħar 24 siegħa ma kienx hemm min fieq…

Kronaka

Bugħaddas ittieħed għall-kura l-Isptar Mater Dei wara li sab ruħu f’diffikultà f’Wied iż-Żurrieq. TVM tkellem mal-kelliem tal-Pulziija li kkonferma li għal xi 10:00am uffiċjali tal-AFM u CPD kienu fuq il-post…

Kronaka

Anzjana ta’ 70 sena u żewġ persuni oħra sfaw attakki minn Sudaniż fil-Ħamrun wara li kienu għaddejjin għal affari tagħhom. Tvm jinsab infurmat li r-raġel gie arrestat ftit tal-mumenti wara…

Aktar