Lokali
Jerġa’ jaqbad il-pinzell f’idu wara perjodu diffiċli f’ħajtu

Flimkien ma’ karriera mużikali Tony Bartolo rnexxielu wkoll jiżviluppa t-talenti tiegħu fil-pittura. Fir-Razzett tal-Markiż Bartolo qed jesebixxi għadd ta’ kwadri li ħafna minnhom pittirhom fl-aħħar snin.

L-interess ta’ Tony Bartolo fl-arti ilu minn meta kien żgħir iżda meta kellu bejn 12 u 13-il sena jingħata l-ewwel biċċa xogħol importanti. Kien saċedot li tah l-inkarigu biex ipinġi x-xenarju tal-palk għal teatrin imtella’ minn kumpanija tad-drama fl-Imġarr.

Tony Bartolo qal li “il-Father qalli titħajjarx tagħmel xenarju għall-kumpanija tal-Imġarr, Imġarr Dramatic Company, u għedtlu nipprova u kienet katakombi għax dak iż-żmien kienu jagħmlu ħafna teatrini tal-Insara, tar-Rumani u hekk  I was successful u kapaċi nagħmel kbir bħal ma kienu jagħmlu l-oħrajn”.

Minħabba mument diffiċli fil-ħajja, Bartolo kien waqaf ipinġi iżda 10 snin ilu martu reġgħet ħajritu jerġa’ jaqbad il-pinzell.

Tony Bartolo qal li “artist qaltli rajt pitturi tiegħek, id-djar ta’ ħutek, huwa xogħol sabiħ, għedtilha nara u xtratli l-kuluri u l-easel u jien għedt its a waste of time però ġie mument li biex nikkuntenta ħa nibda u minn hemm erġajt tlaqt”.

Bartolo jgħid li l-baħar jaffaxxinah minħabba l-moviment u l-kulur blu tiegħu. Huwa juża l-aktar l-acrylic u ż-żejt. Jaħdem ukoll bil-water colours għalkemm jgħid li huwa ferm aktar diffiċli għax ma wieħed ma jistax jikkoreġi l-iżbalji.

L-esebizzjoni tinsab fir-Razzett tal-Markiż fil-Mosta u ser iddum miftuħa sad-29 ta’ Mejju.

Aħbarijiet Oħra
Lokali

Emma Muscat se tkanta fl-Isle of MTV. Dan tħabbar fil-paġna uffiċjali fuq Facebook tal-Isle of MTV Malta. Emma kisbet suċċess kbir u serqet il-qlub ta’ bosta Maltin wara li rnexxielha…

Lokali

Alessandro Salerno li tkeċċa mix-xogħol wara li tkellem pubblikament fuq l-isfidi mentali tiegħu, se jgħin fil-kampanja tal-Fondazzjoni Richmond biex tkun mgħammra dar fil-Ħamrun li se toffri servizzi lil tfal u…

Lokali

L-ispezzjonijiet li saru fl-aħħar ġimgħa f’diversi siti tal-kostruzzjoni f’Tas Sliema, f’San Ġiljan u fil-Gżira kkonfermaw li f’60% tagħhom kien hemm nuqqas ta’ osservanza tar-regolamenti tal-bini. Dawn ingħataw ġimagħtejn biex jirregolarizzaw…

Lokali

Ħalba xita qawwija bis-sajjetti fl-ewwel jum tal-istaġun tas-sajf, għarqet diversi lokalitajiet magħrufa fejn jinġemgħa l-ilma u fost oħrajn tat battikatta lid-dilletanti Qriema u s-Siġġiwin biex iħarsu l-armar tal-festa mill-ħsara li…

Aktar