Kultura
Jerġa’ jikseb il-glorja tiegħu wara proġett estensiv ta’ restawr

Il-bogħod mill-għajn Din l-Art Ħelwa din is-sena kompliet bir-restawr fit-Torri l-Abjad fil-Mellieħa. Il-koordinatur ta’ dan il-proġett Martin Vella ta rendikont tax-xogħlijiet li saru s’issa.

It-Torri l-Abjad fil-Mellieħa li ġie fdat f’idejn Din l-Art Ħelwa daqt jerġa’ jikseb il-glorja tiegħu wara proġett estensiv ta’ restawr li beda kważi sena ilu. Il-kordinatur tal-proġett Martin Vella qal li sar ħafna xogħol ta’ kostruzzjoni fit-torri li kien ilu abbandunat aktar minn 20 sena.

“Il-kamra ta’ ġol-foss kellha diġà s-saqaf imwaqqa’, ħitan fi stat ħażin ħafna, blajjet tal-bibien u tat-twieqi, li dawn kollha kellhom jiġu mibdulin. Xogħol metikoluż li sar sew f’din il-kamra ġol-foss u sew mat-torri, parti minnu qed isir bħalissa kien li jitneħħa s-siment li kien qed jgħatti partijiet kbar ħafna mill-ġebla Maltija” qal Martin Vella.

Żied jgħid li dan ix-xogħol tlesta wkoll fil-parti t’isfel tat-torri, fejn se jsir ċentru b’informazzjoni dwar il-wirt storiku u dak ambjentali f’dawn l-inħawi.

“Il-parti li tħares lejn it-Tramuntana u l-Grigal, kien miksi b’corrugated iron biex ikun saqaf temporanju. Biż-żmien issaddad, tar bir-riħ u waqa’ kollox. Hemmhekk se jerġa’ jiġi mibni, ħa npoġġu materjali moderni, mhux corrugated, biex jerġa’ jissaqqaf eżatt bħal ma kien fi żmien l-Ingliżi” kompla jgħid Martin Vella.

Is-Sur Vella qal li bħalissa r-restawr qed isir fuq il-faċċata tat-torri. Il-ħsieb ta’ din l-Art Helwa huwa li fit-tieni u fit-tielet sular tat-torri jsiru dormitorji fejn l-istudenti u l-viżitaturi jkunu jistgħu jagħmlu esperjenza dwar il-ħajja fit-torri u n-natura.

Gruppi tal-astronomija diġa’ wrew interess biex jużaw dan it-torri għall-osservazzjonijiet astronomiċi f’ambjent verġni u nieqes mit-tniġġiż tad-dawl. B’hekk it-torri li nbena fl-1658 mill-Gran Mastru Martin de Redin ser jibda jservi għall-osservazzjoni tal-univers minflok tal-kosta.

Kien fl-2016 li l-Kunsill Lokali tal-Mellieħa għadda dan it-torri lil Din l-Art Ħelwa li bdiet tirrestawrah bl-għajnuna fost oħrajn tal-HSBC Malta Foundation, Atlas Insurance, il-Fond għall-Kawżi Ġusti, il-Ministeru tal-Ambjent u l-Malta Community Chest Fund Foundation. Il-proġett kollu għandu jitlesta sal-aħħar tas-sena d-dieħla.

 

Aħbarijiet Oħra
Lokali

B’investiment ta’ €4.2 miljun il-korporazzjoni għar-Riġenerazzjoni tal-Port il-Kbir bdiet il-proġett ta’ restawr tal-Ġnien tal-Mall fil-Floriana, li jinkludi fih 7,500 metru kwadru ta’ pavimentar ġdid. Il-Ministru għall-Infrastuttura u Proġetti Kapitali Ian Borg qal li…

Lokali

Peter, il-kelb tad-Dwana, irnexxielu jaqbad €16,500 flus kontanti mhux iddikjarati fuq passiġġier li kien sejjer Istanbul, fl-Ajruport Internazzjonali ta’ Malta. Fi stqarrija, id-Dwana qalet li waqt l-iskrinjar tal-passiġġieri li kienu se…

Annimali

L-għaqda Nature Trust ħabbret li dalgħodu faqqsu 11-il fekruna oħra fil-bajja tar-Ramla l-Ħamra. Huma faqqsu li l-lejl ta’ qabel kienu diġà faqqsu 62 fekruna, fl-istess bajja. B’hekk issa b’kollox faqqsu 73…

Storja

F’postijiet bħal ħwienet u fuq tal-linja għandna l-obbligu nilbsu l-maskri biex nipproteġġu lil ħaddieħor mill-COVID-19. Fit-Tieni Gwerra Dinjija, missirijietna wkoll kellhom jilbsu l-maskri, dakinhar kontra l-biża’ ta’ xi attakk bl-użu…

Aktar