Lokali
Jessica Magro rebbieħa tal-Għanja tal-Poplu

Għall-festival L-Għanja tal-Poplu ta’ din is-sena ikkonkorrew 131 kanzunetta. Għall-finali għaddew l-aħjar 18-il kanzunetta kif ġudikati minn tliet ġurijiet popolari, flimkien ma’ ġurija esperta. Temi differenti kienu l-qofol tal-kanzunetti finalisti f’dan il-festival.  L-Għanja tal-Poplu huwa l-espressjoni tal-artisti li għandhom għal qalbhom il-kanzunetta Maltija.

Il-kanzunetta ‘Meta r-ramel jitħallat mas-silġ’ rebħet il-41 edizzjoni tal-Għanja tal-Poplu, il-festival tal-kanzunetta Maltija.  Kantata minn Jessica Magro, il-kanzunetta rebbieħa kellha kliem ta’ Paul Ellul u mużika ta’ Pamela Bezzina. Il-kanzunetta tittratta l-kunflitti ta’ mibegħda u ta’ qerda madwar id-dinja.

Fit-tieni post, il-kanzunetta ’13 Strada Stretta’ interpretata minn Dario u Grecia Bezzina, bi kliem ta’ Emil Calleja Bayliss u mużika tal-istess Dario Bezzina. Il-kanzunetta hija taħdita ma’ barmaid li lesta tagħmel kollox biex taqla’ lira zejda.

Fit-tielet post ġiet il-kanzunetta ‘Rutina Tgħallina’ tal-band Xarulu’ li tfakkarna fil-ġlieda mal-pass frenetiku tal-ħajja li spiss twassalna ninqatgħu minn nies ta’ madwarna. Il-kanzunetta tad-duo Xarulu’ ħadet ukoll il-premju ġdid tal-aħjar recording.

Il-premju għall-interpretazzjoni intrebaħ minn Monica Said li interpretat il-kanzunetta ‘Ritratt’ bi kliem u mużika ta’ Philip Vella, kanzunetta li tesprimi futur mmli tama u bla biża’ ta’ xejn.

Il-premju għall-kanzunetta oriġinali mar għand Odelsie Camilleri bil-kanzunetta ‘Narak Kuntent’ u l-premu tal-aħjar kantawtur intrebaħ minn Ryan Grech bil-kanzunetta ‘Min Jaf’.

Il-ġieħ L-Għanja li Tibqa’ ngħata lil Mary Rose Mallia f’għeluq il-50 sena ta’ kontribut lill-kanzunetta Maltija b’repertorju li jinkludi ‘Il-Festa’, ‘Din l-Omm’ mir-rock opera Ġensna u ‘Is-Saħħara ta’ Wied Għafrid’. Il-festival ġie organizzat mill-kumitat l-Għanja tal-Poplu flimkien ma’ Pjazza Teatru Rjal, bil-kollaborazzjoni tal-Akkademja tal-Malti u aktar tard għandu jixxandar fuq TVM.

Aħbarijiet Oħra
Qorti

Begtash Muka, Albaniż ta’ 27 sena, tressaq il-Qorti akkużat li l-Ħadd filgħodu bejn id-9am u l-9.45am daħal mingħajr permess fil-barracks ta’ Ħal Safi bil-ħsieb li jagħmel reat. Muka kien ilu…

Qorti

Sewwieq ta’ mutur se jingħata iktar minn €20,000 f’kumpens għad-danni li sofra meta kien involut f’inċident tat-traffiku 4 snin ilu. Agostino Schembri kien indarab serjament meta kien qed isuq il-mutur…

Kronaka

Għall-ħabta tal-4.00 ta’ waranofsinhar il-Forzi Armati tellgħu katavru ta’ mara mill-baħar. Il-katavru ntlemaħ fl-inħawi ta’ Għar Lapsi, bil-Pulizija li daħlitilha l-ewwel informazzjoni ftit qabel it-3.30pm. L-ewwel tfittxija għall-katavru bdiet b’ħelikopter…

Qorti

It-tanker M/T Krone, irreġistrat Sierra Leone, ġie ordnat mill-Qorti biex iħallas is-somma ta’ €138,455.55 għal servizzi marittimi mogħtija mill-kumpanija Maltija Mediterranean Trading Shipping. Il-kumpanija fetħet kawża f’Settembru li għadda biex…

Aktar