Qorti
Jgħid li kien sejjer il-poliklinika meta nqabad b’virga u tnalja quddiem ħanut 

Raġel li twaqqaf mill-Pulizija meta kien wieqaf quddiem ħanut fi Triq Ħal Tarxien f’Raħal Ġdid fis-sigħat bikrin ta’ filgħodu, instab li kellu fuqu oġġetti li jintużaw għall-isgassar u s-serq, fosthom virga, tnalja u kalzetti.

Carl Ciantar ta’ 30 sena kien diġà nstab ħati ta’ serq fl-2008 u fl-2013, u kien kiser il-kundizzjonijiet tal-ħelsien mill-arrest f’mill-inqas tliet każijiet oħra, għax f’dak il-ħin mhux suppost li kien qiegħed barra.

Ciantar qal li dakinhar kien ħareġ mid-dar għax beda jaqta’ nifsu u kien sejjer il-poliklinika biex jingħata l-ossiġnu.

Dwar l-għodda li kellu fil-basket, huwa qal li kienet tintuża minnu u minn missieru peress li kellhom id-delizzju tal-karozzi. Fuq il-virga twila tal-ħadid, qal li kien żammha fuqu biex jiddefendi ruħu minn raġel li qal kellu diżgwit miegħu xi jiem qabel.

Mistoqsi għalfejn kien wieqaf quddiem ħanut magħluq, Ciantar qal li qariba tiegħu kienet se tixtrilu xi ħwejjeġ u ried jiċċekkja l-prezzijiet.

Il-Qorti, ippreseduta mill-Maġistrat Joseph Mifsud, qalet li r-raġuni għalfejn kellu dawk l-oġġetti fuqu meta suppost kien sejjer iċ-Ċentru tas-Saħħa b’attakk tal-ażma, ma kinitx sodisfaċenti.

Il-Qorti għalhekk ikkundannat lil Cinatar tliet xhur ħabs, irrevokatlu l-ħelsien mill-arrest, u kkonfiskatlu d-depożitu u l-garanziji li jammontaw għal €14,000.

Aħbarijiet Oħra
Kronaka

F’vidjo li qed jiċċirkola fuq il-midja soċjali, raġel jidher iwaddab il-petrol fuq karozza u jġibha ħuġġieġa nar. Kelliema għall-Pulizija ikkonfermat ma’ tvm.com.mt li l-każ seħħ il-Ħadd fit-tlieta neqsin kwart ta’…

Tfal

Ġimgħatejn ‘l bogħod mill-Milied, il-professjonisti u l-ħaddiema tal-Fondazzjoni għas-Servizzi ta’ Ħarsien Soċjali, l-FSWS sibnihom iħejju wħud mill-mijiet ta’ rigali li rċevew mingħand għexerien ta’ benefatturi li laqgħu l-istedina tal-Aġenzija Appoġġ…

Saħħa

Investiment ta’ nofs miljun ewro se jwassal għal-riforma fis-servizz respite għall-familji li jieħdu ħsieb l-anzjani qraba tagħhom f’darhom stess. Is-Segretarju Parlamentari għall-Persuni b’Diżabilità u Anzjanità Attiva Anthony Agius Decelis qal…

Annimali

BirdLife Malta varat kampanja biex il-pubbliku jibda jirrapporta l-‘bird callers’ – apparat elettroniku li jagħmel ħoss ta’ tisfir tal-għasafar u jintuża għall-kaċċa u l-insib. Fi stqarrija BirdLife saħqet li din…

Aktar