Jilmenta li l-President jaf affetwat l-opinjoni pubblika dwar il-każ tiegħu

L-Avukati Difensuri ta’ Liam Debono, Dr Franco Debono u Dr Amadeus Cachia ressqu protest ġudizzjarju għaliex jemmnu li l-akkużat ġie mċaħħad mid-dritt għal smigħ imparzjali wara li l-President ta’ Malta attendiet il-mixja ta’ solidarjetà għall-Kuntistabbli Simon Schembri.

Il-ġuvni Liam Debono,  qiegħed jiġi akkużat li tajjar u kaxkar lill-Kuntistabbli Simon Schembri għal diversi metri u li kkawżalu 66% diżabbiltà.

Il-mixja, li seħħet il-Belt Valletta fid-19 ta’ Mejju, ipparteċipaw fiha u attendew bosta persuni fosthom il-President ta’ Malta. Skont l-Avukati Difensuri, il-mixja saret fil-kuntest tal-inċident li wassal lill-akkużat il-Qorti. Il-protest ġudizzjarju jkompli jgħid li l-preżenza tal-President fil-mixja juri biċ-ċar li pubblikament uriet il-pożizzjoni tagħha u li, bħala Kap ta’ Stat, m’għandha qatt tipparteċipa f’kwistjonijiet kontroversjali.

Il-protest ġudizzjarju jagħmel referenza wkoll għall-każ ta’ Paqpaqli, li fih hemm involuta l-President u li għadu qed jinstema’ l-Qorti.

 

 

Aħbarijiet Oħra
Mużika

Michelle Paris hija mużiċista u kompożitiriċi li l-passjoni kbira li għandha għall-mużika tradizzjonali Irlandiża ddistingwietha bir-rebħ ta’ midalji prestiġjużi lil hinn minn xtutna. Il-mużika tradizzjonali Irlandiża għandha għeruq li jmorru…

Kultura

Il-Feniċi – poplu mil-Lvant Nofsani li waqfu kolonja tagħhom f’Malta fl-ewwel millenju Qabel Kristu. Iċ-ċiviltà Feniċja kienet waħda bbażata fuq il-kummerċ marittimu li firxet tul il-Baħar Mediterran u dan jistgħu…

Stejjer Umani

Iċ-ċkejken Katriel Zahra tant maħbub għall-ispirtu altruwist tiegħu minkejja li jbati minn kundizzjoni rari, dalgħodu wettaq ħolma oħra li kellu, li jaqta’ x-xagħar ta’ tifel bħalu b’risq il-Malta Community Chest…

Knisja Maltija

L-Azzjoni Kattolika Maltija għaddejja bi proġett biex dar li għandha f’Ħal Balzan tinbidel f’post li tkun tista’ tagħti kenn lill-familja jew persuni li għal xi raġuni jew oħra jispiċċaw ma…

Aktar