Barranin
Jgħidu li qalgħu xebgħa f’Londra għax irrifjutaw li jitbewsu

Koppja lesbjana qed tallega li qalgħet xebgħa minn grupp ta’ ġuvintur fuq xarabank f’Londra wara li rrifjutat li titbewwes.

Melania Geymonat ta’ 28 sena qalet li kienet mal-għarusa tagħha fuq xarabank lejn Camden Town, meta madwar erba’ ġuvintur bdew jagħtuhom fastidju.

Geymonat qalet li bdew jordnawlhom biex jitbewsu, u bdew anki jwaddbu l-muniti u jagħmlu mossi oxxeni.

Minkejja li għall-ewwel ppruvaw jeħduha b’ċajta, il-grupp baqa’ mqabbad magħhom, sakemm f’ħin bla waqt ġew fl-idejn.

It-tnejn li huma spiċċaw b’wiċċhom imdemmi u kellhom jittieħdu l-isptar. Qabel ħarbu minn fuq il-post il-ġuvintur serqulhom ukoll basket u mobile.

Is-sindku ta’ Londra Sadiq Khan qal li l-attakk kien wieħed diżgustanti u misoġinista, u li l-Pulizija qed tinvestiga l-każ.

Aħbarijiet Oħra
Brexit

Fir-Renju Unit, ir-Reġina Eliżabetta t-Tieni għamlet diskors fil-ftuħ tal-Parlament fejn qalet li l-prijorità għall-Gvern imexxi mill-Prim Minsitru Boris Johnson hija li joħroġ lir-Renju Unit mill-Unjoni Ewropea fl-aħħar ta’ dan ix-xahar….

Barranin

Raġel fl-Awstralja li kien instab ħati li qatel pulizija u nżamm 19-il sena arrestat intortament ingħata kumpens ta’ A$ 7 miljun, ekwivalenti għal kważi €4.4 miljun. Fl-1995 David Eastman kien…

Barranin

Sentenzi ta’ ħabs li jvarjaw bejn id-disgħa u tlettax-il sena għal disa’ mexxejja separatisti Katalani. Is-sentenzi ngħataw mill-Qorti Suprema Spanjola wara li d-disgħa li huma nstabu ħatja li kkonfoffaw u…

Barranin

Il-militanti Kurdi laħqu ftehim mal-armata Sirjana, li għandha tgħinhom jiġġieldu kontra l-qawwiet militari tat-Turkija fit-Tramuntana tas-Sirja. L-aħbar ingħatat mill-istazzjon nazzjonali Sirjan, u kienet ikkonfermata mill-Kurdi. Kien irrappurtat li truppi tal-Gvern…

Aktar