Qorti
Jhedded lil ommu fl-għassa tal-Pulizija

Ġuvni ta’ sbatax-il sena se jibqa’ jinżamm fis-sezzjoni tal-adolexxenti tal-ħabs wara li hedded u insulta lil ommu.

L-ispettur Oriana Spiteri arrestat liż-żagħżugħ, li ismu ma jistax jixxandar fuq ordni tal-qorti mill-maġistrat Astrid May Grima.

L-akkużat ken mixli li insulta lil ommu u heddidha verbalment li se jħabbatha mar-Redentur waqt li kien l-għassa tal-pulizija. Kien akkużat ukoll li hedded lil uffiċjali tal-puliżija li intervjenew biex iwaqqfuh.

Iż-żagħugħ wieġeb li mhux ħati għall-akkużi. L-avukat li pprovda l-għajnuna legali liż-żagħżugħ, Martin Fenech, qal li t-theddid sar fis-saħna tal-argument u li l-argument bejniethom eskala sproporzjoalment meta kienu l-għassa. Qal li l-omm kienet lesta li tilqgħu f’darha u li ż-żagħżugħ ma attakkax l-ommu fiżikament.

L-ispettur Spiteri oġġezzjonat għal-libertà proviżjorja minħabba li l-akkużat kiser il-kundizzjonijiet dwar l-akkużi ta’ vjolenza domestika u għad iridu jixhdu terzi persuni. Il-qorti ċaħdet it-talba għall-liberta ‘ proviżjorja u bagħtet liż-żagħżugħ il-ħabs sakemm jinstemgħu ix-xhieda.

Aħbarijiet Oħra
Politika

Id-19 membru tal-grupp parlamentari tal-PN fi stqarrija qalu li jixtiequ jwasslu messaġġ ta’ kuraġġ lil dawk li dejjem taw appoġġ lill-Partit Nazzjonalista u lill-Maltin u l-Għawdxin ta’ rieda tajba. Fl-istqarrija…

Kronaka

Matul il-lejl li għadda, il-Pulizija flimkien ma’ membri tal-Forzi Armati ta’ Malti wettqu diversi kontrolli tat-traffiku madwar Malta fejn irriżultaw f’sejba ta’ droga kif ukoll ġew osservati ksur ta’ regolamenti tat-traffiku….

COVID-19

Il-Ministeru għas-Saħħa ħabbar li fl-aħħar 24 siegħa ma ħareġ l-ebda każ ġdid ta’ coronavirus f’Malta bil-każijiet attivi issa jinżlu għal 5 hekk kif fiequ 2 persuni oħra. B’kollox f’Malta u…

Aktar