Barranin
Jibda jinstema’ l-appell dwar il-legalità tas-sospensjoni tal-Parlament Ingliż

Fir-Renju Unit, beda s-smigħ tal-appell imressaq quddiem il-Qorti Suprema tar-Renju Unit, li fi żmien tlett ijiem trid tagħti deċiżjoni dwar jekk il-Prim Ministru Boris Johnson setax jisssospendi l-Parlament.

Dan wara li l-Qorti fl-Iskozja ddeċidiet li s-sospensjoni ta’ ħames gimgħat tal-Parlament mill-Prim Ministru Johnson hija illegali.

Il-ġimgħa l-oħra, il-għola qorti fl-Iskozja iddeċidiet li l-azzjoni tal-Prim Ministru tmur kontra il-liġi, b’kuntrast mad-deċiżjoni tal-qorti fl-Ingilterra u Wales li ttieħdet ġimgħa qabel. Il-President tal-Qorti Suprema qalet li d-deċiżjoni tagħhom mhux se taffetwa bl-ebda mod id-data tal-ħruġ mill-Unjoni Ewropea, u lanqas mhi se tindirizza l-aspetti politiċi fid-diskussjoni fuq Brexit.

Il-każ quddiem il-Qorti Suprema qed jitmexxa mill-attivista favur li r-Renju Unit jibqa’ fl-Unjoni Ewropea, Gina Miller, bl-għajnuna tal-eks Prim ministru tar-Renju Unit, John Major. Johnson qed jiġi akkużat li qed jipprova jagħlaq ħalq id-deputati biex ma jiskrutinizzawx il-pjani tiegħu għal Brexit.

Diversi deputati kontra Brexit qed jgħidu li f’każ li l-Qorti Suprema tiddeċiedi kontra d-deċiżjoni tal-Gvern, il-Parlament għandu jitlaqqa’ mill-ewwel. Jekk il-Qorti tiddeċiedi li Johnson żgwida lir-reġina bil-parir tiegħu, huwa jkollu jirreżenja. L-avukat tal-Gvern tar-Renju Unit, Lord Richard Keen, qal li l-Gvern se jbaxxi rasu għad-deċiżjoni tal-Qorti.

Il-Prim Ministru Johnson tilef il-maġġoranza fil-House of Commons, minħabba li jrid joħroġ lir-Renju Unit mill-Unjoni Ewropea sal-aħħar ta’ Ottubru, anke mingħajr ftehim.

Aħbarijiet Oħra
Barranin

Raġel fl-Awstralja li kien instab ħati li qatel pulizija u nżamm 19-il sena arrestat intortament ingħata kumpens ta’ A$ 7 miljun, ekwivalenti għal kważi €4.4 miljun. Fl-1995 David Eastman kien…

Barranin

Sentenzi ta’ ħabs li jvarjaw bejn id-disgħa u tlettax-il sena għal disa’ mexxejja separatisti Katalani. Is-sentenzi ngħataw mill-Qorti Suprema Spanjola wara li d-disgħa li huma nstabu ħatja li kkonfoffaw u…

Barranin

Il-militanti Kurdi laħqu ftehim mal-armata Sirjana, li għandha tgħinhom jiġġieldu kontra l-qawwiet militari tat-Turkija fit-Tramuntana tas-Sirja. L-aħbar ingħatat mill-istazzjon nazzjonali Sirjan, u kienet ikkonfermata mill-Kurdi. Kien irrappurtat li truppi tal-Gvern…

Barranin

Fil-Polonja, il-partit li kien jinsab fil-gvern, dak tal-liġi u l-ġustizzja, il-Pis iddikjara rebħa fl-elezzjonijiet ġenerali ta’ nhar il-Ħadd. Stħarriġ tal-opinjoni pubblika wera li l-partit konservattiv Nazzjonalista kiseb 43.6 fil-mija tal-voti,…

Aktar