Lokali
Jibda l-iskavar biex jinbena ċ-ċentru Reach fin-Naxxar

Fin-Naxxar beda xogħol fuq kumpless li ser ikollu diversi faċilitajiet maħsuba għal persuni b’diżabiltà u l-familji tagħhom. Il-proġett li mistenni jitlesta fi żmien erba’ snin qed isir b’investiment ta’ aktar minn €30 miljun, b’kofinanzjament minn fondi Ewropej.

Beda l-iskavar biex jinbena ċ-ċentru Reach għal persuni b’diżabilità u l-qraba tagħhom fin-Naxxar. Dan iċ-ċentru qed jitqies bħala l-ikbar investiment kapitali fis-settur tad-diżabilità, b’investiment ta’ €32 miljun.

Il-Kap Eżekuttiv tal-Aġenzija Sapport, Joseph Cini qal li dan il-kumpless ser jikkonsisti f’erba’ binjiet u se joffri firxa wiesgħa ta’ servizzi.

Joseph Cini qal “proġett li fih se jsibu s-servizzi kważi kollha minn hawnhekk bħalma huwa ċentru ta’ matul il-jum, respite, se jkun servizz ukoll ta’ residential care, gym, pool terapewtiku biex tintuża minn min mhux biss qed f’dan iċ-ċentru imma anke minn persuni b’diżabilità oħra.”

Is-Sur Cini qal li dan iċ-ċentru li huwa ppjanat li jitlesta sal-2023, se jipprovdi taħriġ lill-persuni b’diżabilità biex ikunu aktar inklużi fis-soċjetà u kemm jista’ jkun jgħixu ħajja indipendenti.

“Li rridu nindirizzaw huwa l-over protectiveness tal-ġenituri li jridu jifhmu li l-persuna huwa persuna li għandu dritt jgħix għal rasu u għandu dritt imur għax-xogħol. Insibu każijiet fejn jibżgħu jħalluhon jitilgħu fuq tal-linja” qal is-Sur Cini.

Is-Segretarju Parlamentari għall-Persuni b’Diżabilità Anthony Agius Decelis waqt li ddeskriva dan il-proġett bħala ambizjuż qal li dan iċ-ċentru se jagħti spazju lill-persuni b’diżabiltà biex jagħmlu l-għażliet tagħhom ħalli jilħqu l-milja ta’ ħajjithom.

Is-Segretarju Parlamentari għall-Fondi Ewropej, Aaron Farrugia qal li dan il-proġett huwa ko-finanzjat b’Fondi Ewropej għall-Iżvilupp Reġjonali. Qal li dan huwa proġett ta’ inklużjoni li juri li l-Gvern huwa impenjat li jibqa’ jagħti prijorità lil dan is-settur.

Aħbarijiet Oħra
Droga

L-Aġenziji li jaħdmu mal-vittmi tad-droga fosthom is-Sedqa u l-Caritas huma tal-fehma li l-użu rikreattiv tal-kannabis m’għandux ikun promoss għax ikattar il-kultura favur l-abbuż tad-droga. Din il-fehma intweriet waqt il-programm Dissett…

Partit Nazzjonalista

Il-President tal-Kunsill Ġenerali tal-Partit Nazzjonalista Kristy Debono qalet fi stqarrija li sabet li 84 mill-200 firma fil-petizzjoni li titlob biex jitlaqqa’ l-Kunsill Ġenerali biex jiddiskuti l-ġejjieni tal-Kap tal-Partit Nazzjonalista huma…

Lokali

Ta’ tnax-il sena sofriet diżabilità minħabba mard u wara ħafna snin ta’ żwieġ kellha tifel bil-kundizzjoni down syndrome. Minkejja l-isfidi, Lorraine Pellicano tgħid li Thomas berkilha ħajjitha u ħerqana li…

Lokali

Meqjusa fost l-ewwel tobba f’Malta li bdiet taħdem bla heda mal-vittmi tad-droga, ħidmet it-tabiba Maria Sciberras tfakkret f’konferenza f’għeluq il-25 sena mit-twaqqif tal-Aġenzija Sedqa u fil-jum internazzjonali kontra l-abbuż u…

Aktar