Lokali
Jibda x-xogħol ta’ twessigħ tal-Marsa-Ħamrun Bypass

Beda x-xogħol fuq proġett ta’ €5 miljun li biha ser jiżdiedu żewġ karriġjati fil-Marsa Ħamrun Bypass fejn ħafna ħinijiet tal-ġurnata jeħel it-traffiku f’din arterja tat-traffiku li mill-Mina ta’ Santa Venera tagħti lejn il-Marsa.

Fl-eqqel tal-ħin tat-traffiku, is-sewwieqa jieħdu medja ta’ 11-il minuta biex joħorġu minn taħt il-mina ta’ Santa Venera lejn il-Marsa bit-traffiku jeħel fil-parti triq li tagħti lejn il-Marsa minħabba li tagħlaq qiesha lembut.

Il-Ministru għat-Trasport Ian Borg qal li “kull min ħiereġ jew dieħel mill-mini ta’ Santa Venera irid jesperjenza ċirkustanza fejn inti jkollok żewġ korsijji u tispiċċa b’waħda; għax imbagħad għandek nies ġejjin u sejrin fuq flyover għad-direzzjoni lejn l-Imrieħel u allura rajna li permezz ta’ twessigħ ineħħu din il-bottleneck.”

Il-Ministru Ian Borg kompla jgħid li b’investiment ta’ €5 miljun beda x-xogħol fuq proġett tal-Ministeru tat-Trasport u l-Infrastruttura biex fil-parti tat-triq li tidjieq isiru żewġ kariġġjati oħra li għandhom jaffaċilitaw l-andament tat-traffiku.

Il-proġett mistenni jitlesta fi żmien 13-il xahar. Wara li jistlestew ix-xogħlijiet, il-Marsa-Ħamrun Bypass jinqasam fi tliet karreġġjati f’kull direzzjoni.

Il-Ministru Borg spjega li biex isir dax-xogħol kellhom jittieħdu partijiet mill-artijiet li kellhom il-bdiewa bi qbiela. Huwa qal li x-xogħlijiet se jsiru f’diversi fażijiet biex ikun evitat l-inkonvenjent u ser jissaħħu s-servizzi tad-drenaġġ, l-ilma u l-elettriku tal-inħawi.

Aħbarijiet Oħra
Lokali

Għall-ħabta ta’ nofsinhar, l-Imsaġar tal-Aħrax inbelgħu min-nirien, fl-istess post fejn kien qabad daqs xahar ilu. Fin-nirien tal-lum, jidher li ġew meqruda ammont konsiderevoli ta’ siġar tal-Prinjol li għandhom ‘il fuq…

Lokali

Malta kisbet punti tajbin fl-iscoreboard dwar l-innovazzjoni fil-pajjiżi membri tal-Unjoni Ewropea li ġie pubblikat illum fi Brussell. F’rapport ta’ aktar minn mitt paġna li janalizza diversi aspetti tal-innovazzjoni fil-pajjiżi tal-Unjoni…

Lokali

Ġie inawgurat ir-restawr tal-Bieb ta’ Hompesch. Ir-restawr sar mid-Direttorat tar-Restawr fi ħdan il-Ministeru għall-Kultura u Gvern Lokali. Il-Bieb ta’ Hompesch inbena fl-1801 fuq ix-xewqa taż-Żabbarin ad unur il-Gran Mastru Hompesch,…

Lokali

Raġel barrani li beda jdoqq il-harmonica waqt li kien qed jistenna l-vapur fil-port tal-Imġarr spiċċa biex qala’ xebgħa minn passiġġieri oħra li dejqithom il-mużika. Il-każ seħħ fit-2 ta’ Marzu 2014,…

Aktar