Stejjer Umani
Jiddedika ħajtu għall-morda fl-isptarijiet

Ilu ħmistax-il sena fil-pastorali mal-morda fl-isptarijiet u ma jieqaf qatt jitlob għall-pazjenti u l-qraba tagħhom speċjalment meta persuna tkun waslet lejn it-tmiem tal-ħajja. Minkejja t-tbatijiet li jara quddiemu ta’ kuljum, Patri Mario Attard, dejjem bi tbissima biex jagħti kuraġġ lil dawk għaddejjin minn żmien diffiċli. Patri Attard kien intervistat fil-programm Umani.

Fil-kurituri tal-isptar Mater Dei l-ħin kollu jterraq Patri Mario Attard li flimkien ma’ patrijiet oħra Kappuċini jżur is-swali biex ifarraġ lil pazjenti u lil qrabathom. Għal Patri Mario la hemm nhar u lanqas lejl għax isibu dejjem fil-mument tal-bżonn jassisti bis-sagramenti mal-morda u dejjem b’kelma ta’ faraġ għal min jeħtieġha.

Patri Mario Attard qal “in-nies għandhom bżonn lil xi ħadd jitkellmu miegħu u nitlob, nemmen ħafna fil-qawwa tat-talb.”

Minkejja l-għawġ tal-mard li jara quddiemu, Patri Mario jirnexxilu jżomm bi tbissima fuq fommu.

Patri Mario qal “id-daħqa mhix tiegħi imma ta’ Kristu, l-Ispirtu s-Santu għallimni taqbila ta’ Ġorġ tal-Mużew, bi tbissima lil Alla nagħtuh qima.”

Lil hinn mill-pastorali mal-morda, Patri Mario jħobb iż-żwiemel u meta jsib il-ħin jinżel sal-Marsa fejn hemm ukoll jieħu l-opportunità li jitlob mad-dilettanti taż-żwiemel.

Patri Mario qal “iż-żiemel jgħallimni, biex ngħix u nħalli lil min jgħix..fil-knisja, fil-kunventi, fil-familji, għix u ħalli li min jgħix”.

Biċ-ċoqqa u jżebbeġ il-kuruna f’idejh, Patri Mario Attard jagħti kuraġġ lil morda u l-qraba, filwaqt li jisħaq fuq il-bżonn li wieħed isib ħin li jirrilassa.

Patri Mario temm jgħid “inħobb ngħid lili nnfisi u lill-ħaddiema..aħjar nieħu break inkella nsir steak” .

Aħbarijiet Oħra
Sajd

Idejh jafu jinsġu l-qasab għan-nases, anke b’għajnejh magħluqa. Bis-sengħa tan-nases fid-demm, Ġanni Xuereb, magħruf bħala Ġanni l-Pipi, illum jgħodd iktar minn 80 sena, u għadu ma telaqx in-namra max-xogħol tiegħu, …

Edukazzjoni

Is-sajf wasal biex jintemm u dħalna fl-aħħar ġimgħa qabel ma jerġgħu jibdew l-iskejjel. Iżda x’inhuma s-sentimenti tal-ġenituri u l-istudenti dwar l-bidu tas-sena skolastika ġdida? TVM tkellem mal-ġenituri u l-istudenti. Mal-wieħed…

Lokali

Waqt l-aħħar tislima li ngħatat lil Enrica lbieraħ fil-knisja ta’ San Ġiljan, inġabru €10,000 għal Puttinu Cares. Enrica kienet tgħożż il-familja ta’ Puttinu li tant tawha kuraġġ u sabar waqt…

Edukazzjoni

The Rotary Malta Clubs are calling for applications from residents of Malta wishing to pursue a post-graduate degree. The scholarship offered to Maltese residents is worth $ 30,000 and is…

Aktar